އަލަށް ވެރިކަމާއި ހަވާލުވެވަޑައިގެންނެވި ޑރ.މުހައްމަދު މުއިއްޒުގެ ސަރުކާރު ހިންގުމަށް ހުރިހާ ފަރާތްތަކުންވެސް ފުރުސަތު ދޭން ޖެހޭ ކަމަށް ކުޑަހުވަދޫ ދާއިރާގެ މެމްބަރު އަހްމަދު އާމިރު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި އާމިރު ވިދާޅުވީ, މިވަގުތު ގައުމު އޮތް ހާލަތަށް ބަލާލާއިރު ޑރ. މުޢިއްޒުގެ ސަރުކާރަށް ދަތިވާނެ ކަމެއް ކުރުމަކީ ރައްޔިތުންނަށް ދެވޭ ނިކަމެތި ކަމެއް ކަމަށެވެ.
"ޤައުމު މިވަގުތު އޮތް ހާލަތައް އެކަނި ވިސްނާލި ނަމަވެސް ރައީސް ޑރ. މުޢިއްޒުގެ ސަރުކާރަށް ދަތިވާނެ ކަމެއް ކުރުމަކީ ރައްޔިތުންނަށް ދެވޭ ނިކަމެތި ކަމެއް. ހުރިހާ ފަރާތްތަކުން ވެސް ސަރުކާރު ހިންގަން ފުރުސަތު ދޭން ޖެހޭ"
މެމްބަރު އަހްމަދު އާމިރު
މިފަދައިން އާމިރު ވިދާޅުވެފައި މިވަނީ ކުރީގެ ރައީސް ޔާމީން ޕީޕީއެމުން ވަކިވެ ވަޑައިގެން ޕީޕަލްސް ނޭޝަނަލް ފްރޮންޓް ގެ ނަމުގައި އެމަނިކުފާނުގެ އަމިއްލަ ޕާޓީއެއް އުފެއްދެވުމުގެ މަސައްކަތް ފައްޓަވާފައިވާ ދަނޑިވަޅެއްގައެވެ.
މިދިޔަ ރިޔާސީ އިންތިޚާބުގެ ދެވަނަބުރާާއި ދިމާކޮށް އާމިރު ނިސްބަތްވެވަޑައިގަންނަވާ އެމްޑީއޭ ވަނީ އެމްޑީޕީގެ ކޯލިޝަނުން ވަކިވެ, ޕީއެންސީއަށް ތާއީދު ކުރާކަން ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
