މެދު ނުކެނޑި 34 އަހަރު ސްޓެލްކޯއަށް ޚިދުމަތް ކުރެއްވުމަށްފަހު އެ ކުންފުނީގެ  ޑެޕިއުޓީ މެނޭޖިންގ ޑިރެކްޓަރގެ މަޤާމުގައި ހުންނެވި މުޙައްމަދު ލަތީފް އެ ޚިދުމަތުން ޝަރަފްވެރިކަމާއެކު ރިޓަޔަރ ކުރައްވައިފިއެވެ. 

މީގެ ކުރިން އެ ކުންފުނީގެ އެމްޑީކަންވެސް ކުރެއްވި މުޙައްމަދު ލަތީފް 65 އަހަރުފުޅުގައި މިއަދު އެ ކުންފުނިން ޝަރަފްވެރިކަމާއެކު ރިޓަޔަރ ކޮށްފައިވާއިރު، ކުންފުނީގެ އިސްވެރިންނާއި މުވައްޒަފުވަނީ އެ ބޭފުޅާގެ ޝަރަފްގައި މިއަދު ވަނީ އެ ކުނފުނީގެ އޮފީހުގައި ރަސްމިައްޔާތެއް ބާއްވައިފައެވެ. 

މި ރަސްމިއްޔާތުގައި މުހައްމަދު ލަތީފްއަށްވަނީ ޚިދުމަތުގެ އަގު ވަޒަން ކުރުމުގެ ގޮތުން ހަނދާނީ ފިލާއަރުވައިފައެވެ. މި ފިލާ ހަވާލުކޮށްދެއްވީ އެ ކުންފުނީގެ މެނޭޖިންގ ޑިރެކްޓަރ އަހްމަދު ޝަރީފެވެ. 

މުހައްމަދު ލަތީފް ފާހަގަވެގެން ގޮއްސައިވަނީ ހުރިހާ މުވައްޒަފުންނާއި ގުޅޭ ޚިޔާލު ތަފާތުވުންތަކާއި ދުރު އަދި ކުންފުނީގެ ހުރިހާ ޙަރަކާތްތަކެއްގައިވެސް ފުރިހަމައަށް ބައިވެރިވެވަޑައިގަންނަވާ ބޭފުޅެއްގެ ގޮތުގައި ކަމަށް ސްޓެލްކޯގެ ފަރާތުން 'ވޮއިސް'އަށް މައުލޫމާތު ދެއްވި ބޭފުޅަކު ފާހަގަކުރެއްވިއެވެ. 

ވަކިން ޚާއްސަކޮށް ކުޅިވަރުގެ އެންމެހައި ކަމެއްގައި މުހައްމަދު ލަތީފް ފާހަގަވެގެން ގޮއްސައިވަނީ ނުހަނު ގާތުން ބައިވެރިވާ ބޭފުޅެއްގެ ގޮތުގައިކަމަށް އެ ފަރާތުން ފާހަގަކުރެއްވިއެވެ.