ރައީސުލްޖުމްހޫރިއްޔާ ޑރ.މުހައްމަދު މުއިއްޒު، ތުރުކީގެ ރައީސް ރަޖަބް ޠައްޔިބު އުރުދުޣާނާ ބައްދަލުކުރައްވައިފިއެވެ.
ރައީސް ޑރ.މުއިއްޒު ތުރުކީގެ ރައީސާއި ބައްދަލުކުރެއްވިކަން ތުރުކީގެ ރައީސްގެ އޮފީހުން ވަނީ ހާމަކޮށްފައެވެ.
ރައީސް ތުރުކީ އަށް ކުރެއްވި މި ދަތުރުފުޅަކީ ވެރިކަމުގެ ހުވާ ކުރެއްވުމަށްފަހު ރާއްޖެއިން ބޭރަށް ކުރެއްވި ފުރަތަމަ ރަސްމީ ދަތުރުފުޅެވެ.
މި ދަތުރުފުޅުގައި ތުރުކީ ސަރުކާރުގެ ވެރިންނާއެކު މުހިއްމު ބައްދަލުވުންތަކެއް ކުރިއަށްގެންދަވަން ވަނީ ހަމަޖެހިފައިކަމަށް، ޚަރިޖީ ވަޒީރު މޫސާ ޒަމީރު ވިދާޅުވެފައިވެއެވެ.
މިނިސްޓަރު އިތުރަށް ވިދާޅުވީ މި ދަތުރުފުޅުގައި ތުރުކީއާއެކު ބާއްވާ މަޝްވަރާ ބައްދަލުވުންތަކުގައި ރާއްޖެއާއި ތުރުކީގެ މެދުގައި އިތުރަށް ގުޅުން ބަދަހިކޮށް އެއްބާރުލުން ދެވޭނެ ދާއިރާތަކާ ގުޅޭ ގޮތުން މަޝްވަރާކުރެވިގެންދާނެ ކަމަށެވެ.
މިދަތުރުފުޅުގައި ރައީސާއި އެކު އެމަނިކުފާނުގެ އަނބިކަބަލުން ފަސްޓުލޭޑީ ސާޖިދާ މުޙައްމަދު ވެސް ބައިވެރިވެވަޑައިގެންނެވިއެވެ.
ތުރުކީވިލާތައް ކުރައްވާ ދަތުރުފުޅު ނިންމަވައިލެއްވުމަށްފަހު ރައީސް ޑރ.މުއިއްޒު ދެން ވަޑައިގަތުމަށް ހަމެޖެހިފައިވަނީ މިމަހު 30 ގައި ފަށާ ކޮޕް-28 ސަމިޓްގައި ބައިވެރިވެ ވަޑައިގަތުމަށް ދުބާއީ އަށެވެ.
Advertisement
This content is created and paid for by advertisers and does not involve Voice Journalists
