ސްޓެލްކޯގެ އާ މެނޭޖިން ޑިރެކްޓަރުގެ މަގާމަށް، އެ ކުންފުނީގެ ޖެނެރަލް މެނޭޖަރުގެ މަގާމުގައި ހުންނެވި ސ. ހިތަދޫ، އަސަރީގެ، ހުސައިން ފަހުމީ އައްޔަންކުރައްވައިފިއެވެ.
ޓްރޭނިންގ އޮފްސަރެއްގެ ގޮތުގައި ފަހުމީ ސްޓެލްކޯއާއި ގުޅިވަޑައިގެންނެވީ 1998 ވަނައަހަރުއެވެ. އޭގެ ފަހުން އޭނާ އިނގިރޭސި ވިލާތުން ކިޔަވާ ވަޑައިގެން އެ ކުންފުނީގެ އެކި ސެކްޝަންތަކުގައި މަސައްކަތް ކުރައްވާފައެވެ.
އެގޮތުން ސްޓެލްކޯގެ އެސިސްޓެންޓް ޑިރެކްޓަރ ކަމާއި ޑެޕިއުޓީ ޑިރެކްޓަރުކަމުގެ މަގާމު ފުރުއްވާފައިވާއިރު، އޭނާ ވަނީ ފިނޭންސްއާއި ބިލިންގގެ ދާއިރާއާއި ޕްރޮކިއުމަންޓާއި ބިޒްނަސް މެނޭޖްމަންޓްގެ ދާއިރާ ފަދަ އެތައް ދާއިރާއެއްގައި ސްޓެލްކޯގައި އަގުހުރި ހިދުމަތްތަކެއް ކުރައްވާ ބޮޑެތި ކުރިއެރުން ތަކެއް ހޯއްދަވާފައެވެ.
ފަހުމީގެ ބެއްލެވުމުގެ ދަށުން ސްޓެލްކޯގައި ހިންގުނު އެންމެ ކާމިޔާބު އެއް މަސައްކަތަކީ ގޮތުގައި ހުޅުމާލޭ 2ވަނަ ފިޔަވަހީގައި ބިނާކުރި ސްޓެލްކޯ ޓަވަރުތަކުގެ މަސައްކަތެވެ. ސަރުކާރު ކުންފުނި ތަކުގެ ތެރެއިން އެންމެ ފުރަތަމަ ޓަވަރު ތަކުގެ މަސައްކަތް ނިންމާ މުއައްޒަފުންނަށް ބޯހިޔާވަހިކަން ދެވުނު ކުންފުޏަކަށް ސްޓެލްކޯވާއިރު، އެކަން ކުރިއަށް ގެންގޮސްފައި ވަނީ ފަހުމީގެ މޭސްތިރި ކަމުގެ ދަށުގައެވެ.
މިހާތަނަށް ސްޓެލްކޯގައި 25 އަހަރު ހޭދަކުރައްވާފައިވާ ފަހުމީ މިއަދު، އެ ކުންފުނީގެ މެނޭޖިން ޑިރެކްޓަރުކަމަށް ޕީސީބީން ވަނީ ހަމަޖައްސާފައެވެ.
Advertisement
This content is created and paid for by advertisers and does not involve Voice Journalists
