އާބަންކޯގެ މެނޭޖިންގ ޑިރެކްޓަރ ކަމަށް އިބްރާހިމް ފަޒުލް ރަޝީދު ހަމަޖައްސަވައިފިއެވެ.

ފަޒުލް ރަޝީދަކީ ރައްޔިތުންގެ މަޖިލީހުގައި ފެލިދޫ ދާއިރާގެ މެމްބަރުކަން ކުރައްވާ މެމްބަރެވެ. އަދި ފަޒުލް އަކީ ވެރިކަން ކުރާ ޕީއެންސީގެ ޕީޖީ ގްރޫޕްގެ ލީޑަރުވެސް މެއެވެ.

ފަޒުލް ވަނީ އެމްޑަބްލިޔުއެސްސީގެ އެމްޑީ ކަން 2015 ވަނަ އަހަރުން 2018 ވަނަ އަހަރާއި ހަމައަށް ކުރައްވައިފައެވެ.

Advertisement

އާބަންކޯގެ އެމްޑީއަކަށް ފަޒުލް ހަމަޖެއްސެވިއިރު ސްޓެލްކޯގެ އެމްޑީ އަކަށް ހަމަޖައްސަވައިފައިވަނީ ހުސެއިން ފަހުމީއެވެ. އާސަންދަ ކުންފުނީގެ އެމްޑީއަކަށް ހަމަޖައްސަވައިފައިވަނީ އެންމެ ފުަރަތަމަ އެކުންފުނީގެ މުވައްޒަފެއެްގެ ގޮތުގައި ހަމަޖެއްސި އައިމިނަތު ޒީނިޔާއެވެ.

މީގެ އިތުރުން އާރްއޭސީއެލްގެ އެމްޑީ އަކަށް އަހްމަދު މުބީނެވެ. ފެނަކައިގެ އެމްޑީއަކަށް ހަމަޖައްސަވައިފައިވަނީ މުޢާޒް މުޙައްމަދު ރަޝީދެވެ. އަދި މޯލްޑިވްސް ގޭސް ގެ އެމްޑީ އަކަށް ހަމަޖައްސަވައިފައިވަނީ ޢަބްދުالله މުޙައްމަދެވެ.

މީގެ އިތުރުންވެސް ސަރުކާރުގެ ގިނަ ކުންފުނިތަކެއްގެ މެނޭޖިންގް ޑިރެކްޓަރުންގެ މަޤާމަށް އައު ބޭފުޅުން ރައީސް ޑރ މުޙައްމަދު މުޢިއްޒު ވަނީ ހަމަޖައްސަވައިފައެވެ.