ސްޓެލްކޯގެ މެނޭޖިން ޑިރެކްޓަރުގެ މާގާމަށް ރައީސުލްޖުމްހޫރިއްޔާ މިއަދު އައްޔަނުކުރެއްވި ހުސައިން ފަހުމީ އެ މަޤާމާއި ހަވަާލުވެ ވަޑައިގެންތާ ގަޑިއިރެއްގެ ތެރޭގައި މަސައްކަތަށް ނިކުންނަވާ ތަންތަނުގެ ހާލަތު ބައްލަވައިފިއެވެ.
އެގޮތުން ފަހުމީ ވަނީ މާވެޔޮ މިސްކިތް ކައިރީގައި މަގުމައްޗަށް ވާގޮތަށް ބަހައްޓާފައިވާ ސްޓެލްކޯގެ ޓްރާންސްފޯމަރު ހުންނަ ސަރަހައްދަށް ވަޑައިގެން އެތަން ބައްލަވާލައްވާފައެވެ.
އެ ޓްރާންސްފޯމަރަކީ އެ ސަރަހައްދާއި، އެމަގު ބޭނުން ކުރާ ގިނަ އަދަދެއްގެ ރައްޔިތުންނަށް ތަކުލީފަކަށްވެފައިވާކމުގެ ޝަކުވާ ލިބިފައިވާ ޓްރާންސްފޯމަރެއްކަމުގައި ސްޓެލްކޯއިން ބުނެއެވެ.
ސްޓެލްކޯގެ އައު އެމްޑީ ފަހުމީ ވަނީ އެ ސަރަހައްދަށް ވަޑައިގެން އެ ޓްރާންސްފޯމަރާއި ހެދި ވަމުންދާ އުނދަގޫތަކަށް ރައްޔިތުންގެ ކިބައިން މާފަށް އެދިވަޑައިގެންފައެވެ. އަދި އެ ޓްރާންފޯމަރު ނެގުމުގެ އަމަލީ މަސައްކަތް ފައްޓަވައި، މި އަހަރު ނިމުމުގެ ކުރިން މަގުމަތިން އެ ޓްރާންސްފޯމަރު ނަގާނެ ކަމަށް ފަހުމީ ވަނީ ވިދާޅުވެފައެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެރިކަމާއި ހަވާލުވުމަށްފަހު ދެއްވަމުންގެންދަވާ އެންމެ ބޮޑު އަހައްމިއްޔަތު ކަމަކީ ރައްޔިތުންނަށް ލުއި ފަސޭހަގޮތްތައް ހޯދައިދިނުން. މިއަދު މި ޓްރާންސްފޯމަރު މަގުމަތިން ނެގުމުގެ މަސައްކަތް ފަށާއިރު އިރާދަ ކުރެއްވިއްޔާ މިއަހަރު ނިމުމުގެ ކުރިން އެ ޓްރާންސްފޯމަރު މަގުމަތިން ނަގައި، އެ މަގު ބޭނުން ކުރާ ފަރާތްތަކަށް އެކަމުގެ ލުއި ފަސޭހަތައް ހޯދަވައިދެއްވާނެ ކަމުގެ ޔަގީންކަންދެން
ހުސައިން ފަހުމީ
މާވެޔޮ މިސްކިތް ސަރަހައްދުގައި ހުރި ޓްރާންސްފޯމަރު އެތަނުގައި ބަހައްޓާފައި ހުންނަތާ މިހާރު 6 ވަރަަކަށް އަހަރު ވަނީ ވެފައެވެ.
މިއަދު ސްޓެލްކޯގެ އެމްޑީކަމުގެ މަގާމަށް ފަހުމީ އައްޔަންކޮށްފައިވަނީ ކުރިން އެ މަގާމުގައި ހުންނެވި، އަހްމަދު ޝަރީފް އެ މަގާމުން ވަކިކުރެއްވުމަށް ފަހުގައެވެ.
Advertisement
This content is created and paid for by advertisers and does not involve Voice Journalists
