ސައުދީ އަރަބިއްޔާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު މަތުރަކް އަބްދުالله އަލްއަޖާލީން އަލްދައުސަރީ، އިސްލާމިކް މިނިސްޓަރު ޑރ. މުހައްމަދު ޝަހީމްއާއި ބައްދަލު ކުރައްވައިފިއެވެ.
މި ބައްދަލުވުން ބާއްވާފައި ވަނީ އިސްލާމިކް މިނިސްޓްރީގައެވެ.
ބައްދަލުވުމުގެ މައުލޫމާތު ހިއްސާ ކުރައްވަމުން ޓްވިޓާގައި އިސްލާމިކް މިނިސްޓްރީން ކުރެއްވި ޕޯސްޓްގައި ބުނެފައިވަނީ، މިނިސްޓަރު ޑރ.ޝަހީމް ވަނީ ރާއްޖެއާ ސައުދީއާ ދެމެދު ޒަމާނުއްސުރެ އޮތް ގާތްގުޅުމާއި ސައުދީން ކޮށްދީފައިވާ ކަންކަން ފާހަގަކުރައްވާފައި ކަމަށެވެ.
މިގޮތުން، މިނިސްޓަރ ވަނީ ރާއްޖޭގެ އެންމެ ގިނަ އިލްމުވެރިންނަށް ހިލޭ ކިޔަވައިދިނުމާއި އެންމެ ގިނަ މިސްކިތް ހިލޭ އެޅުމާއި އެންމެ ގިނަ އިސްލާމިކް ސެންޓަރުތައް ހިލޭ އަޅައިދިން ޤައުމަކީ ސައުދީކަން ފާހަގަކުރައްވައި ސައުދީން ރާއްޖެއަށް މިހާތަނަށް ކޮށްދީފައިވާ ކަންކަމުގެ ލިސްޓެއްވެސް ސައުދީގެ ސަފީރާއި ހިއްސާ ކުރައްވާފައެވެ.
އެގޮތުން މިބައްދަލުވުމުގައި މިނިސްޓަރ ޑރ.ޝަހީމް ވަނީ ސައުދީއަކީ އިސްލާމީ އެހީ ރާއްޖެއަށް އެންމެ ގިނައިން ދީފައިވާ ޤައުމުކަން ފާހަގަކުރައްވާ އެކަމަށް ޝުކުރު އަދާކުރައްވާފައެވެ.
Advertisement
This content is created and paid for by advertisers and does not involve Voice Journalists
