ރައީސުލްޖުމްހޫރިއްޔާ ޑރ.މުހައްމަދު މުއިއްޒު, ފަހި ދިރިއުޅުން ކޯޕަރޭޝަންގެ މެނޭޖިން ޑައިރެކްޓަރުގެ މަގާމަށް ހަމްދާން ޝަކީލް އައްޔަނު ކުރައްވައިފިއެވެ.
ހަމްދާނަށް މަގާމް ލިބުނުކަން އަންގައި ޕްރައިވެޓޭޝަން ބޯޑުން މިއަދު ވަނީ އެބޭފުޅާއަށްސިޓީއެއް ފޮނުވާފައެވެ.
2022 ވަނަ އަހަރުގެ އެޕްރީލް މަހުން ފެށިގެން މިހާތަނަށް ހަމްދާން މަސައްކަތް ކުރައްވަމުން އަންނަނީ މާލެ ސިޓީ ކައުންސިލްގެ ޕީއާރު ކޮންސަލްޓެންޓެއްގެ ގޮތުގައެވެ.
ހަމްދާނަކީ އަކީ ޕީޕީއެމް ގެ ޑައިރެކްޓަރ އޮފް ފޮރިން އެފެއާޒްގެ މަގާމުގައި ހުންނެވި ބޭފުޅާއެވެ. މީގެ އިތުރުންވެސް އެބޭފުޅާ ވަނީ މޯލްޑިވްސް ނިއުސް ނެޓްވޯކް ގެ ނަމުގައި ކުންފުންޏެއް އުފައްދައި، 2020 ވަނަ އަހަރުގެ ޖުލައި މަހުން ފެށިގެން 2022 ވަނަ އަހަރުގެ ޖުލައި މަހާއި ހިސާބަށް އެ ކުންފުނީގެ ޗީފް ކޮންޓެންޓް އޮފިސާގެ މަގާމް ވެސް ފުރުއްވާފައެވެ.
އިއްޔެ ރައީސް ޑރ.މުއިއްޒު ވަނީ މާލެ ސިޓީ ކައުންސިލްގެ މީޑިއާ ޓީމުގައި ހަރަކާތްތެރިވި މަރިޔަމް ޝިއުނާ އަދި އެ ކައުންސިލްގެ މީޑިއާ ޓީމުގައި ހަރަކާތްތެރިވި މަލްޝާ ޝަރީފް،މިނިސްޓްރީ އޮފް ޔޫތު އެމްޕަވާމެންޓް، އިންފޮމޭޝަން އެންޑް އާޓްސްގެ ޑެޕިއުޓީ މިނިސްޓަރުގެ މަގާަމަށް އައްޔަނު ކުރައްވާފައެވެ.
Advertisement
This content is created and paid for by advertisers and does not involve Voice Journalists
