މާލޭގައި ދެ ސައިކަލު ޖެހިގެން ރޭވެސް ނުރައްކާތެރި އެކްސިޑެންޓެއް ހިނގާފައިވާ ކަމަށާ، އަނިޔާވި ތިން މީހުންގެ ހާލު ސީރިއަސް ކަމަށް ފުލުހުން ބުނެފިއެވެ.
ފުލުހުން ގެ މީޑިއާ އޮފިޝަލް ވިދާޅުވީ، ރޭ 23:26 އެހާކަންހާައިރު ވިލާ ކޮލެޖް ކައިރީގައި ދެ ސައިކަލެއް އެކްސިޑެންޓެއް ހިނގާފައިވާ ކަމަށް ފުލުހުންނަށް ރިޕޯޓްކޮށްފައިވާ ކަަމަަށެވެ.
އަދި އެ އެކްސިޑެންޓްގައި ދެ ސައިކަލުގައި ތިބި ތިން މީހަަކަށް އަނިޔާވެގެން އައިޖީއެމްއެޗްއަށް ގެންގޮސް ފަރުވާދެމުންދާ ކަަމަށާ، އަނިޔާވެގެން ފަރުވާދެމުން ދަނީ ދެ ފިރިހެނަކާއި އަންހެނަކަށް ކަމަށް ވިދާޅުވިއެެވެ.
އެ ތިން މީހުންގެ ހާލުވެސް ސީރިއަސް ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް މިޑިއާ އޮފިޝަލް ވިދާޅުވިއެވެ.
މީގެ އިތުރުން އޮފިޝަލް ވިދާޅުވީ މި އެކްސިޑެންޓް ހިނގި ދެ އުޅަނދަށްވެސް ގެއްލުން ވެފައިވާ ކަމަށާ މި މައްސަލަ އެ އިދާރާއިން އިތުރަށް ތަހުގީގު ކުރަމުންދާ ކަމަށެވެ.
މިފަހުން، މާލެ ސަރަހައްދުގައި އެކްސިޑެންޓްތައް ހިނގާ މިންވަރު އިތުރު ވެފައިވާ ކަން ފާހަގަކޮށްލަންޖެހެ އެވެ. އެގޮތުން ދާދި ފަހުން ހުޅުމާލޭގައި ހިނގި އެކްސިޑެންޓެއްގައި އަނިޔާވި މީހަކު ވަނީ ނިޔާވެފައެވެ. އަނިޔާވި އިތުރު މީހަކަށް އަންނަނީ ފަރުވާދެމުންނެވެ.
Advertisement
This content is created and paid for by advertisers and does not involve Voice Journalists
