ސަރުކާރު ހިއްސާވާ ކުންފުނިތައް އިސްލާޙްކޮށް ހިންގުން ރަނަގަޅު ކުރުމަށް ކޮންސަލްޓެންޓަކު ހޯދަން މާލިއްޔަތާއި ބެހޭ ވުޒާރާއިން އިޢްލާނުކޮށްފި އެވެ.

އެ އިޢްލާނުގައިވާ ގޮތުން، ކޮންސަލްޓެންޓަކު ހޯދަނީ ސަރުކާރު ހިއްސާވާ، ސްޓޭޓް އޯން އެންޓަޕްރައިޒަސް (އެސްއޯއީ) ތަކުގެ ކަންކަން ހަރުދަނާ ކުރުމަށް އަޅަންޖެހޭ ފިޔަވަޅުތަކާއި ތަރައްޤީ ކުރުމަށް ކުރަންޖެހޭ ކަންތައްތައް ކުރުމަށެވެ.

މިކަމަށް އެދި ޕްރޮޕޯސަލް ހުށަހަޅާ ފަރާތްތަކުގެ ބީލަން އިވެލުއޭޓްކުރުމަށް ހަމަޖެހިފައިވަނީ ދެ މަރުހަލާއަކަށް ބަހާލައިގެން ކަމަށް އެއިޢްލާނުގައި ބުނެފައިވެއެވެ.

Advertisement

އެގޮތުން ފުރަތަމަ މަރުހަލާގައި ޓާމްސް އޮފް ރިފަރެންސް (ޓީއޯއާރް) ހުށަހެޅުމަށް ބުނެފައިވާ ލިޔުންތައް ބަލައި ޓެކްނިކަލް އިވެލުއޭޝަނެއް ހަދާނެ އެވެ. އެ އިވެލުއޭޝަންގައި 80 ޕަސެންޓަށް ވުރެ މަތިން މާކްސް ލިބޭ އެންމެ ކުޑަ އަގެއް ހުށަހަޅާ ފަރާތެއް ކޮންސަލްޓެންޓެއްގެ ގޮތުގައި ހޮވާނެ އެވެ.

މިކަމަށް އެދި ޓީއޯއާރް ހުށަހަޅަން ޖެހެނީ އަންނަ އަންގާރަ ދުވަހުގެ ކުރިންނެވެ.

ސަރުކާރުގެ ޚިއްސާވާ 32 ކުންފުންޏެއް އޮތް އިރު އޭގެ ތެރެއިން ގިނަ ކުންފުނިތަކަކީ، ގެއްލުމުގައި ނުވަތަ ވަރަށް ކުޑަ ފައިދާއެއްގައި ހިންގާ ކުންފުނިތަކެވެ.

މި ސަރުކަރުން ވެސް ވަނީ ވިއްސަށް ވުރެ ގިނަ ކުންފުނިތައް ހިންގުމަށް މެނޭޖިން ޑިރެކްޓަރުން ހަމަޖައްސައިފަ އެވެ.

.މި ވަގުތު ސަރުކާރު ހިއްސާވާ 32 ކުންފުނީގައި 33،000 އެއްހާ މުވައްޒަފުން މަސައްކަތް ކުރެ އެވެ.