ކޮންސްޓްރަކްޝްން މަސައްކަތް ކުރުމުގެ ޤަވާއިދަށް މީހުން ހޭލުންތެރި ކުރުމަށް ސެޝަނެއް ބޭއްވުމަށް މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރި އިން އިޢްލާނުކޮށްފިއެވެ.
އެމިނިސްޓްރީ އިން ޓްވިޓަރ ގައި ކޮށްފައިވާ ޕޯސްޓެއްގައި ބުނެފައިވަނީ އެސެޝެނަކީ ޢިމާރާތްކުރުމާއި ބެހޭ އިދާރީ ޤަވާއިދުގައިވާ ކަންކަމާއި ގުޅިގެން ބާއްވާ 2ވަނަ ސެޝަން ކަމަށެވެ.
މި ސެޝަންގައި މައިގަނޑު ގޮތެއްގައި އަލިއަޅުވައިލާނީ ޤަވާއިދާއި ޚިލާފުވުމުން ޢަމަލުކުރާނެ ގޮތާއި އެފަދަ މަސައްކަތްތައް ޤަވާއިދުގެ ތެރެއަށް ވަދެވޭނެ ގޮތްތަކާއި ނުރައްކާތެރި ޢިމާރާތްތަކާއި މެދު ޢަމަލުކުރާނެ ގޮތްތަކުގެ މައްޗަށް ކަމަށް އެމިނިސްޓްރީގެ ޓްވީޓުގައި ބުނެފައިވެއެވެ.
މިސެޝަން ބޭއްވުމަށް ހަމަޖެހިފައިވަނީ ޑިސެމްބަރު މަހުގެ 4 ވަނަ ދުވަހުގެ 10:30 ގައެވެ.
ކޮންސްޓްރަކްޝަން މަސައްކަތަކީ ރާއްޖޭގައި އާމްދަނީގެ ބޮޑު ބައެއް ޚިއްސާކުރާ ވިޔަފާރިއެކެވެ.
ކޮންސްޓަރަކްޝަން މަސައްކަތް ކުރުމުގައި ސަލާމަތްތެރިކަމަށް އަޅަން ޖެހޭ ފިޔަވަޅުތަކަށް ރައްކާތެރި ނުވުމުގެ ސަބަބުން ވަރަށް ގިނަ ހިތާމަވެރި ހާދިސާތަކެއް ވަނީ ހިނގައިފައެވެ.
Advertisement
This content is created and paid for by advertisers and does not involve Voice Journalists
