އެހެން މީހުންގެ ކިބައިގައި ހުރި އައިބުތަކާއި، އުނި ކަންތައްތަކުގެ ވާހަކަ ދެއްކުމަށް ވަގުތު ބޭކާރު ކުރުމުގެ ބަދަލުގައި ތިމާގެ އަމިއްލަ ނަފްސާމެދު ވިސްނުމަށް ވަގުތު ހުސްކުރުމަށް ޚުތުބާގައި ނަސޭހަތްތެރިވެއްޖެއެވެ. 

"ގައުމު އިސްލާހު ވުން އޮތީ ނަފްސުތައް އިސްލާހު ވެގެންނެވެ" މި މައުޟޫއަށް މިއަދު އިއްވި ޚުތުބާގައި ބުނީ، ދިވެހި މުޖުތަމައު އިން ފެންނަމުންދަނީ އިސްލާމްދީނާއި އެ ދީނުގެ ރިވެތި އާދަކާދަ އާއި ޚިލާފް ކަންކަން ކަމަށެވެ. 

އެގޮތުން މުޖުތަމަޢުގައި ހިންގާ، ވައްކަމާއި، ފޭރުމާއި، ބަދުއަހުލާގީ އަމަލުތަކާއި، ފާހިޝް ކަންކަމާއި މާރާމާރީ ފަދަ ނުބައި ކަންކަން މުޅި މުޖުތަމައުއިން ފެންނަމުންދާ ކަމަށާ، އަދި އެކަންކަން އެހެން ވަނީ ކީއްވެތޯ ސުވާލުކޮށްލަން ޖެހޭ ކަމަށް ޚުތުބާގައި ބުނެފައިވެއެވެ. 

Advertisement

މިއާއެކު ޚުތުބާގައި ބުނީ، އެއްވެސް މުޖުތަމަޢު އަކީ އޭގެ ޒާތުގައި ގޯސް ވެގެންދާ ތަނެއް ނޫން ކަމަށާ، އެހެނެއް ކަމަކު ގޯސްވެގެންދަނީ އެތަނެއްގައި ދިރިއުޅެމުންދާ އިންސާނުންކޮށް އުޅޭ ޢަމަލުތައް ކަމަށެވެ. އެހެންކަމުން އިންސާނީ މުޖުތަމަޢު އިސްލާހުކުރަން ފެށޭ ހިސާބަކީ އެމީހެއްގެ އަމިއްލަ ނަފްސު ކަމަށް ޚުތުބާގައި ބުންޏެވެ. 

ޚުތުބާގައި އިތުރަށް ބުނީ، އިންސާނީ މުޖްތަމައާއި، މުޅި ގައުމު އަމާންވެ، ފަރުދުންގެ ގުޅުންތައް ބަދަހިވެ، ތިޔާގިކަމާއި، އުފާފާގަތިކަން ލިބެން އޮތީ، ތިމާމެންގެ އަމިއްލަ ނަފްސުތައް އިސްލާހުކޮށްގެން ކަމަށެވެ.

އެހެން ކަމުން، މިޤއުމުގެ ކޮންމެފަރުދަކުވެސް އަމިއްލަ ހާލާމެދު، އަދި އަމިއްލަ ނަފްސުގެ އުނކަމާމެދު ފިކުރުކޮށްލުމަށް ޚުތުބާގައި ވަނީ އެދިފައެވެ. 

"މުޅި ޤައުމު އިސްލާއުރުވުން އޮތީ ކޮންމެ ފަރުދެއްގެ އަމިއްލަ ނަފްސުގައި ހުރިނަމަ ހުރި ނުބައިކަމަކާ ދުރުވެގެން ކަން ކަށަވަރެވެ. މިކަން ކަމަށް އޮތް ހަމައެކަނި މަގަކީ، އެހެން މީހުންގެ ކިބައިގައި ހުރި އުނި ކަންތައްތަކާއި އައިބުތަކުގެ ވާހަކަ ދެއްކުމުގައި ވަގުތު ބޭކާރު ނުކޮށް، އަމިއްލަ ނަފްސާމެދު ޚިޔާލު ކުރުމަށް ވަގުތު ހުސްކޮށްލުމެވެ. މާތް اللهގެ ހައްގުތަކަށާއި، އިންސާނުންގެ ހައްގުތަކަށް އަރައިގަނެވުފައިޗާ ކަމަށް އިއުތިރާފް ވުމެވެ. ތިމާގެ ނަފްސުގައި އުނިކަންކަމާއި، ހުތުރުއާދަތައް ހަރުލާފައި އެބަހުރިކަން ޤަބޫލުކޮށް، އެކަންކަމުން މިންޖުވުމުގެ މަގަށް އެނބުރި ރުޖޫޢު ވުމެވެ. އެއީ، ތައުބާވުމުގެ މަގެވެ." ޚުތުބާގައި ބުނެފައިވެއެވެ..