ފަލަސްޠީނުގެ ޣައްޒާއަކީ މުޅިދުނިޔެއިންވެސް ކުޑަކުދިނަށް އެންމެ ނުރައްކާތެރި ތަން ކަމަށް ޔުނިސެފުން ބުނެފިއެެވެ.

ޔުނިސެފްގެ އެކްސެކެޓިވް ޑިރެކްޓަރ ކެތަރިން ރުސެލް ނެރެފައިވާ ބަޔާނެއްގަައި ބުނެފައިވަނީ މިއަދު އަނެއްކާވެސް ޣައްޒާ ވެފައިމިވަނީ މުޅިދުނިޔެއިންވެސް ކުޑަކުދިނަށް އެންމެ ނުރައްކާތެރި ތަނަަށްވެފައި ކަމަށެވެ.

ހަތްދުވަހުގެ މެދުކެނޑުމަކަށްފަހު އަނެއްކާވެސް ހަމަލާތައް ފަށައިފައިވާ ކަމަށާއި، އަނެއްކާވެސް ގިނަ ޢަދަދެއްގެ ކުދިން ޝަހީދުވެގެންދާނެ ކަމަށެވެ.

ކެތަރިންގެ ބަޔާނުގައި އަނިޔާވެރިކަން މިދަރަޖައަށް ގެންދަން ވާނެތޯ ސުވާލުކޮށްފައިވެއެވެ. އަދި މީގެ އިތުރުން ކުރިއަށް މިއޮތް ދުވަސްތަކުގައި ކޮންމެދުވަހަކު، އެތައް ސަތޭކަ ކުއްޖަކު ޝަހީދުވެސް އެތައް ކުއްޖަކު ޒަޚަމް ވާނެ ކަމަށް ލަފާކުރާ ކަމަށް ކެތަރިން ބުނެފައިވެއެވެ. މީގެ އިތުރުން ފެނާއި، މެޑިކަލް ސަޕްލައިސް، ރަޖާ، ފިނީގައި ލާނެ ހެދުން ބޭނުން ޖެހިފައިވާ ފަރާތްތަކަށް ފޯރުކޮށްނުދެވިއްޖެނަމަ ބޮޑު އިންސާނީ ކާރިސާއެއް ފެށިދާނެ ކަމަށްވެސް ކެތަރިންް ބުނެފައިވެއެވެ.

ހަމަމިއާއި އެކު ހިނގަމުންމިދާ ހަމަލާބަދަލުކުރުން ތަކުގައި ބައިވެރިވާ ހުރިހާ ފަރާތްތަކަކަށްވެސް ގޮވައިލައިފައިވަނީ ކުޑަކުދިންނަށް ރައްކާތެރިކަން ހޯދައި ދިނުމަށެވެ.