ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަގުތީ ގޮތުން ޕާކިސްތާނުގެ ބޮޑު ވަޒީރު ކަމާއި ހަވާލުވެގެން ހުންނެވި އަންވަރު އުލް ހަގް ކަކަރާއި ބައްދަލު ކުރައްވައިފިއެވެ.

މިކަމާއި ގުޅިގެން ރައީސް އޮފީހުން ކުރި ޓްވީޓެއްގައި ބުނީ މި ދެބޭފުޅުން ބައްދަލު ކުރައްވާފައިމިވަނީ މިދިޔަ މަހުގެ 30 ވަނަ ދުވަހު ދުބާއީ ގައި ފެށި ސީއޯޕީ28 ގެ ބައްދަލުވުމަށް ވަޑައިގެންނެވެ.

މި ބައްދަލުވުމުގެ އިތުރު ތަފްސީލެއް ރައީސް އޮފީހުން ހާމަކޮށްފައެއް ނުވެއެވެ.

Advertisement

މި ބައްދަލުވުމަށް ދުބާއީއަށް ވަޑައިގެން، ރައީސް ޑރ.މުއިއްޒު ވަނީ އެގައުމުގައި ދިރިއުޅޭ ދިވެހި ރައްޔިތުންނާއި ވެސް ބައްދަލު ކުރައްވާ، ރައްޔިތުންނަށް އެ ގައުމުގައި ދިރިއުޅޭއިރު ދަތިވާ ކަންތައްތަކާއި ބޭނުންވާ ކަންތައްތައް އޮޅުއްފިލުއްވާފައެވެ.

ރައީސް ޑރ.މުއިއްޒު ސީއޯޕީ28 އަށް ޔޫއޭއީއަށް ވަޑައިގެންނެވީ މިމަހުގެ 26 ވަނަ ދުވަހު ތުރުކީއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށް ފަހުއެވެ. ތުރުކީ އަށް ރައީސް ޑރ. މުއިއްޒު ކުރެއްވި ދަތުރުފުޅަކީ ކާމިޔާބު ދަތުރުފުޅެއް ކަަމަށް ޕީޕީއެމުން ވަނީ ބުނެފައެވެ.