ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ކުރައްވާ ރަސްމީ ދަތުރުފުޅުތަކަށް ދައުލަތުގެ ބަޖެޓުން ހޭދަވާ ޚަރަދުތައް ހާމަކުރުމަށް އެމަނިކުފާނު ނިންމަވައިފިއެވެ.
އެކަން ހާމަކޮށް ރައީސް އޮފީހުން ކުރި ޓުވީޓެއްގައި ބުނެފައިވަނީ، ރައީސުލްޖުމްހޫރިއްޔާ ކުރައްވާ ރަސްމީ ދަތުރުފުޅުތަކަށް ދައުލަތުގެ ބަޖެޓުން ހިނގާ ޚަރަދުތަކުގެ މައުލޫމާތު ކޮންމެ ދަތުރުފުޅެއް ނިމޭތާ 15 ދުވަހުގެ ތެރޭގައި ހާމަކުރާ ގޮތަށް ރައީސް ޑރ.މުޢިއްޒު ހަމަޖައްސަވާފައިވާ ކަމަށެވެ.
ރައީސުލްޖުމްހޫރިއްޔާ މިފަދައިން ނިންމެވީ ރައީސްގެ ރަސްމީ ދަތުރުފުޅުތަކުގައި ހޭދަވާ ޚަރަދުތައް ހޯދުމަށް ނޫސްވެރިން އަދިވެސް ގިނަ މަސައްކަތްތަކެއް ކުރަން ޖެހޭތީކަމުގައި ރައީސް އޮފީހުން ބުނެއެވެ.
ފާހަގަކޮށްލަންޖެހޭ ކަމަކީ މި ފާއިތުވި ސަރުކާރުގައި ރައީސްގެ ދަތުރުފުޅުތަކަށް ހިނގާ ޚަރަދުތަކުގެ ތަފްސީލު ހޯދުމަށް އަރޓީއެލް ހުށަހަޅައިގެން ގިނަ މަސައްކަތްތަކެއް ކުރަން ޖެހިފައިވާކަމެވެ.
ދައުލަތާއި ސަރުކާރުގެ އެއްވެސް ކަމެއް ސިއްރުނުކުރައްވައި، ހާމަކަންބޮޑު ސަރުކާރެއް ހިންގެވުމަކީ ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ރިޔާސީ ވައުދުފުޅެކެވެ. އަދި އިސްވެ ކަންކަން ރައްޔިތުންނަށް ބަޔާންކޮށްދެއްވުމުގެ ސިޔާސަތެއް ގެންގުޅުއްވަން އެމަނިކުފާނު ވައުދުވެވަޑައިގެންފައިވެއެވެ.
ކުރީގެ ސަރުކާރުތަނުންވެސް އެކި ބޭނުންތަކުގައި ރާއްޖެއިން ބޭރަށް ކުރާ ދަތުރުތަކުގެ ޚަރަދުގެ ތަފްސީލް ދެފުށްފެންނަހެން ހާމަ ނުކުރުން އެއީ ވަރަށް ގިނަ ބައެއްގެ ޝަކުވާއެކެވެ.
Advertisement
This content is created and paid for by advertisers and does not involve Voice Journalists
