ސަރުކާރު ހިންގުމުގައި ކޯލިޝަން ޕާޓީތަކުން އެއްބާރުލުން ނުދޭނަމަ ސަރުކާރުން ފިޔަވަޅު އަޅާނެކަމަށް އެމްޑީޕީން ބުނެފިއެވެ.
އެމްޑީޕީން މިހެން ބުނެފައިވަނީ އެޕާޓީގެ މަޖިލިސް ކެމްޕެއިން، އެޖެންޑާ19ގެ ނޫސްވެރިންގެ ބައްދަލުވުމެއްގައި އެޕާޓީގެ ޑެޕިއުޓީ ޗެއަރޕާސަން އަދި މަޖިލިސް ކެމްޕެއިންގެ ތަރުޖަމާނު އަފްޝަން ލަތީފެވެ.
އަފްޝަން ވިދާޅުވީ ރައީސުލް ޖުމްހޫރިއްޔާ އުފައްދަވާފައިވާ ދެ ރިޔާސީ ކޮމިޝަނަށް ގާނޫނީ ބާރުދޭ ބިލު ފާސްކުރުމަށް ދަތިވެފައިވަނީ ވެރިކަން ހިންގާ ކޯލީޝަންގައި ހިމެނޭ ބައެއް ޕާޓީތަކުން އެއްބާރުލުުން ނުދިނުމުންކަމަށެވެ.
އެކަމަނާ ވިދާޅުވީ ސަރުކާާރުގެ މެނިފެސްޓޯއާއި ސިޔާސަތު ތަކަކީ، ކޯލީޝަންގެ ހުރިހާ ޕާޓީތަކަކުން އެއްބަސްވެ ވަޑައިގެން އެ ޕްރޮމޯޓް ކުރައްވައި، ކެމްޕެއިން ކުރައްވައި ކާމިޔާބުވި އިންތިހާބެއްކަމަށެވެ. އެހެންކަމުން ސަރުކާރުގެ ވައުދުތައް ފުއްދުމަށް ކޯލީޝަން މެންބަރުން އެ ދެއްވަންޖެހޭ އެއްބާރުލުން ދެއްވުމަކީ ކޮންމެހެން ލާޒިމްކަމެއްގެ ގޮތުގައި އަފްޝަން ފާހަގަކުރެއްވިއެވެ.
"އެބޭފުޅުން އެކަން ނުކުރައްވާކަމީ ހިތާމަކުރާކަމެއް، އަދި ސަރުކާރުން އެކަމަށް އަޅުއްވަންޖެހޭ ފިޔަވަޅެއް އަޅުއްވައި އެކަން ބައްލަވާނެ ކަމަށް އަޅުގަނޑުމެން ގަބޫލު ކުރަނީ"، އަފްޝަން ވިދާޅުވިއެވެ.
Advertisement
This content is created and paid for by advertisers and does not involve Voice Journalists
