ފަލަސްޠީނުގެ ޣައްޒާގެ ހޮސްޕިޓަލްތަކުގެ ޙާލަތު ތަޞައްވުރު ކުރަންވެސް ދަތި ކަމަށް ވޯލްޑް ހެލްތް އޮގަނައިޒޭޝަަން(ޑަބްލިޔުއެޗްއޯ) އިން ބުނެފިއެވެ.
ޑަބްލިޔުއެޗްއޯގެ ޑިރެކްޓަރ ޖެނެރަލް ޓެޑްރޮސް އަދޮނަމް ކުރައްވައިފައިވާ ޓްވީޓެއްގައި ވިދާޅުވެފައިވަނީ ޣައްޒާގެ ނުސައިރަތް ހޮސްޕިޓަލަށް ޑަބްލިޔުއެޗްއޯގެ ޓީމުން ޒިޔާރަތް ކޮށްފައިވާ ކަމަށާއި، އެހޮސްޕިޓަލްގައި މިވަގުތުވެސް 1000 ބަލިމީހުން ފަރުވާ ހޯދަމުން ދާ ކަމަށެވެ. އަދި އެ ޢަދަދަކީ އެހޮސްޕިޓަލުން އަސްލު އެހޮސްޕިޓަލުން ފަރުވާ ހޯދޭ ޢަދަދަށް ވުރެ 3 އިންސައްތަ އިތުރު މިންވަރެެއް ކަމަށެވެ.
މީގެއިތުުރުން އެ ހޮސްޕިޓަލްގެ ހުރިހާ ކަނެއްގައި މީހުން ބޯހިޔާވަހިކަން ހޯދަމުން ދާ ކަމަށާއި، އެޢަދަދު ބުނަން ނޭނގޭ ކަމަށެވެ.
“އަނިޔާވެފައިވާ މީހުންނަށް ފަރުވާ ދެމުންދަނީ ހޮސްޕިޓަލްގެ ބިންމަތީގައި، އެމީހުން ދަނީ އަޅާ ވޭނުން ހަޅޭއްލަވަމުން” ޓެޑްރޮސް ވިދާޅުވެފައިވެއެވެ.
ޓެޑްރޮސް އިތުރަށް ވިދާޅުވެފައިވަނީ ހޮސްޕިޓަލް ތަކުގެ މި ޙާލަތު ތަކަކީ ތަޞައްވަރު ކުރަން އުނދަގޫ ޙާލަތްތަކެއް ކަމަށެވެ.
“އަހަރެމެންނަށް މިފެނުނު މަންޒަރުތައް ބުނެދޭން ބޭނުންކުރާނެ ބަހެއްވެސް ނޭނގޭ” ޓެޑްރޮސް ވިދާޅުވެފައިވެއެވެ.
ޓެޑްރޮސް ވަނީ ވަގުތުން ވަގުތައް ހަމަލާތައް ހުއްޓާލުމަށް ގޮވައިލައިފައެވެ.
Advertisement
This content is created and paid for by advertisers and does not involve Voice Journalists
