ދިވެހި ރާއްޖޭގެ 4 ސިޓީން ޕާސްޕޯޓު އަވަހަށް ލިބޭނެ އިންތިޒާމް އިމިގްރޭޝަނުން ހަމަޖައްސައިފިއެވެ.
މިކަމާ ބެހޭގޮތުން އިމިގްރޭޝަނުން ނެރުނު ބަޔާނެެއްގައި ބުނީ އައްޑޫ ، ފުވައްމުލަކު ، ކުޅުދުއްފުށި އަދި ތިނަދޫ ސިޓީގައި ގާއިމް ކުރެވިފައިވާ އިމިގްރޭޝަން ގެ ރީޖަނަލް އޮފީސް ތަކުން މިހާރަށްވުރެ ދެގުނަ އަވަސްކޮށް ޕާސްޕޯޓު ލިބޭނެ އިންތިޒާމް ހަމަޖެއްސުމަށް އިމިގްރޭޝަން ގެ ކޮންޓްރޯލަރ މުޙައްމަދު ޝަމްޢާން ވަޙީދު ނިންމަވާފައިވާކަމަށެވެ.
އަލަށް މި ގެނެވުނު ބަދަލު ތަކާއިއެކު، ކުރިން އައްޑޫ ސިޓީގެ އޮފީހުން ހަފްތާ އަކު ދެ ދުވަހު ޕާސްޕޯޓު ދޫކުރުމުގެ ބަދަލުގައި މިހާރު ހަފްތާ އަކު ހަތަރު ދުވަހު ޕާސްޕޯޓް ދޫކުރާނެ އެވެ. ފުވައްމުލަކު، ތިނަދޫ އަދި ކުޅުދުއްފުށިން ކުރީގައި ޕާސްޕޯޓް ދޫކުރަމުން ދިޔައީ ހަފްތާ އެއް ދުވަހު އެވެ. މިހާރު އެ ތިން ސިޓީގައި ހަފްތާ އަކު ދެ ދުވަހު ޕާސްޕޯޓް ދޫކުރާނެ އެވެ.
ކޮންޓްރޯލަރ ގެ މި ނިންމެވުމުގެ ސަބަބުން ރީޖަނަލް ހޮސްޕިޓަލް ތަކުން ޕާސްޕޯޓު ނަގާ ފަރާތްތަކަށް ހަލުއި ކަމާއި އެކު ޕާސްޕޯޓު ލިބިގެން ދާނެ ކަމަށް އިމިގްރޭޝަނުން ބުނެއެވެ.
މިދިޔަ ނޮވެމްބަރު މަހު އިމިގްރޭޝަނުން ވަނީ ރާއްޖެއިން ބޭރަށް ދަތުރުކުރާ ދިވެހިންނަށް "ޓްރެވެލާ ޑެކްލެރޭޝަން" ފޯމު ނުވަތަ އިމުގަ ފޯމު ފުރަން ނުޖެހޭ ގޮތަށް ހަމަޖެއްސުމުގެ އިތުރުން އަދި ވެލާނާ އިންޓަނޭޝަނަލް އެއާޕޯޓްގެ އީ-ގޭޓްގެ ހިދުމަތް ވެސް އަލުން ފަށާފައެވެ.
Advertisement
This content is created and paid for by advertisers and does not involve Voice Journalists
