ފަލަސްޠީނުގެ ޣައްޒާގައި އާންމުން ވަގުތީ ހިޔާ ހޯދަމުންދާ އ.ދގެ ސްކޫލެއްގައި ހެޕަޓައިޓިސް އޭ ފެތުރެމުން ދާ ކަމަށް ބުނެފިއެވެ.

އަލްޖަޒީރާގައި އދ.ގެ ޑިރެކްޓަރ ތޯމަސް ވައިޓް އާއި ހަވާލާދީ އަލްޖަޒީރާގައި ބުނެފައިވަނީ ޢައްޒާގެ ޙާލުގައި ޖެހިފައިތިބި މީހުންގެ ތެރެއިން ބަޔަކު ވަގުތީ ހިޔާ ވަހިކަން ހޯދަމުންދާ އދ.އިން ހިންގާ ސްކޫލެއްގައި ހެޕަޓަޓިސް އޭ ފެތުރެމުންދާ ކަމަށާއި، އަދި އެބަލިމަޑުކަން ބާރުމިނެއްގައި ފެތުރުމުގެ ބިރުވެރިކަން އެބައޮތް ކަމަށެެވެ.

“ސާފުތާހިރުވެވޭނެ ގޮތް އޮތުން ވަރަށް މުހިންމު، ގިނަ ޢަދަދެއްގެ ބައެއް އެއްކްލާސް ރޫމްތެރޭގައި ތޮއްޖެހިފަ، ބަލި ފެތުރިދާނެ ކަމުގެ “ރިސްކު” ވަރަށް ބޮޑު، އެސްކޫލްތަކުގެ ފެނާއި ނަރުދަމާގެ ނިޒާމުތަކަށް ވެސް މިހާރު ވަނީ ނުކަތާވަރުވެފަ، 125 މީހުން ދަނީ އެއް ފާޚާނާ ބޭނުން ކުރަމުން” ތޯމަސް ބުނެފައިވެއެވެ.

Advertisement

ހެޕަޓައިޓިސް އޭ އަކީ ހަލުވި މިނެއްގައި ފެތުރޭ މޭގައި ކުރުމުއްދަތަކަށް އުފެދޭ އިންފެކްޝަނެކެވެ. މިބަލި ފެތުރެނީ މާބޮޑަށް ގައިގޯޅި ކޮށް އުޅެން ޖެހުމާއި ރައްކާތެރިނޫން ގޮތުގައި ތައްޔާރުކޮށް ބޭނުންކުރެވޭ ކާބޯތަކެތީގެ ސަބަބުންނެވެ.

ޣައްޒާގެ ގިނަ ބަޔަކު މިހާރު ބޯހިޔާ ވަހިކަން ހޯދަމުންދަނީ ސްކޫލް ތަކާއި ހޮސްޕިޓަލް ތަކުންނެވެ. މިފަދަ ހުރިހާ ތަނެއްގައިވެސް ތަނާއި އެކަށީގެން ނުވާ ވަރަށް މީހުން ދަނީ ދިރިއުޅެމުންނެވެ.