މޯލްޑިވްސް ގޭހުގެ ހުރިހާ ސެންޓަރެއްގައި ވެސް ދުވަހުގެ މަސައްކަތް ފެށުމުގެ ކުރިން ގުރުއާން ކިޔެވުމުގެ އިތުރުން ގައުމީ ސަލާމް ކިޔާ ގޮތަށް، އެ ކުންފުނީގެ އާ މެނޭޖިން ޑިރެކްޓަރު އަބްދުالله މުހައްމަދު މިއަދު ހަމަޖައްސަވައިފި އެވެ.
މެނޭޖިން ޑިރެކްޓަރުގެ މަގާމާ ހަވާލުވެވަޑައިގެން މާލޭގައި ހުންނަ މޯލްޑިވް ގޭހުގެ މައި މަރުކަޒުގައި މުވައްޒަފުންނާ އެކު މިއަދު ހެނދުނު ބޭއްވި ފުރަތަމަ ބައްދަލުވުން ޤުރުއާނުގެ ބަރަކާތުން ފެއްޓެވީވެސް އަބްދުالله އެވެ.
މި ބައްދަލުވުމުގައި ވާހަކަފުޅު ދައްކަވަމުން އޭނާ ވިދާޅުވީ، ގޭހަކީ އަސާސީ ހިދުމަތެއް ކަމަށާއި، މިފަދަ ހިދުމަތެއް ފޯރުކޮށްދިނުމަށް ކުންފުނީގެ މުވައްޒަފުން ކުރަނީ ބުރަ މަސައްކަތެއް ކަމަށެވެ.
"ވިއްސާރަ ވިޔަސް، ކިތަންމެ އަވިގަދަ ކަމުގައި ވިޔަސް އަދި ކިތަންމެ ބޮޑު ކަމެއް ގައުމުގައި ހިނގައިގެން އުޅުނު ކަމުގައި ވިޔަސް މޯލްޑިވް ގޭސްގެ ހިދުމަތަށް އެއްވެސް ކަހަލަ ބުރުލެއް ނާރާނެ ފަދަ ގޮތަކަށް މިއަދާ ހަމައަށް މި ގެނެވުނީ ކުންފުނީގެ ކުރީގެ ވެރިންނާއި މިއަދާ ހަމައަށް ކުންފުނީގައި އުޅުނު މުވައްޒަފުންގެ މަސައްކަތުން"
މޯލްޑިވްސް ގޭހުގެ މެނޭޖިން ޑިރެކްޓަރު އަބްދުالله މުހައްމަދު
އަމާޒަކީ މޯލްޑިވް ގޭހަކީ ފައިދާވާ އަދި ރައްޔިތުންނަށް ހެޔޮ އަގުގައި ހިދުމަތް ދޭ ކުންފުންޏަކަށް ހެދުން ކަމަށާއި އެ ކުންފުންޏަކީ ކާމިޔާބު ކުންފުންޏަކަށް ހަދަން މުވައްޒަފުންގެ އެހީއާ އެކު މަސައްކަތް ކުރައްވާނެ ކަމުގެ ޔަގީންކަން ވެސް އޭނާ ވަނީ ދެއްވާފައެވެ.
Advertisement
This content is created and paid for by advertisers and does not involve Voice Journalists
