ފެނަކަ ކޯޕަރޭޝަންގެ ހުރިހާ މުވައްޒަފުންގެ ކުށުގެ ރެކޯޯޑް ސާފުކުރުމަށް އެ ކުންފުނީގެ މެނޭޖުމަންޓުން މުވައްޒަފުންނަށް އަންގަވައިފިއެވެ.
ފެނަކައިގެ މެނޭޖިންގ ޑިިރެކްޓަރު މުޢާޒް މުޙައްމަދު ރަޝީދުގެ އެންގެވުމުގެ މަތިން މި މަސައްކަތް ފަށައިފައިވަނީ މި ފާއިތުވި ސަރުކާރުގައި ފެނަކައަށް މުވައްޒަފުން ނެގިއިރު ކުށުގެ ރެކޯޑު ސާފުކޮށްފައިނުވާތީ ކަމުގައި އެ ކުންފުނިން ބުނެއެވެ.
މިކަން ކުރުމުގެ މަގުސަދަކީ ހުރިހާ މުވައްޒަފުންގެ ސަލާމަތާއި ރައްކާތެރިކަން ކަށަވަރުކުރުން ކަމަށާއި މީގެ ކުރިން ފެނަކައިން މީހުންނަށް ވަޒީފާ ދީފައިިވާއިރު އޭގެތެރޭގައި މަރުގެ މައްސަލައެއްގެ ކުށުގެ ރެކޯޑު އޮތް މީހަކު ވެސް ހިމެނޭތީ ކަމުގައި އެ ކުންފުނީގެ ފަަރާތުން ވޮއިސްއަށް މައުލޫމާތު ދިނެވެ.
އަދި އެފަދަ ކަންކަން ނުހިނގާނެ ކުންފުނީގެ ހިންގުން ބައްޓަން ކުރުމަކީ އެ ކުންފުނީގެ މެނޭޖިންގް ޑިރެކްޓަރ ކަމަށް އަލަށް އައްޔަން ކުރެވުނުމުޢާޒް މުޙައްމަދު ރަޝީދުގެ ވަރަށް ބޮޑު އަމާޒެއް ކަމުގައި އެ ކުންފުނިން ބުނެއެވެ.
ހަމަ އެޔާއެކު ކުށުގެ ރެކޯޑު ސާފުކުރުން މި ހަފުތާގައި ނިންމައިލެވޭނެކަަމަށާއީ ޖިނާއީ ކުށެއް ސާބިތުވާ މުވައްޒަފުންނާމެދު އެ ކުންފުނީގެ ލީގަލް ޑިޕާޓްމަންޓުން ގޮތެއް ނިންމާނެ ކަމުގައިވެސް ފެނަކައިން ބުނެއެވެ.
ފެނަކައިގައި މިހާރު ވެސް 8,000 އެއްހައި މުވައްޒަފުން އެބަ ތިއްބެވެ. އޭގެ ތެރޭގައި ކޮންޓްރެކްޓް މުވައްޒަފުންގެ ގޮތުގައި 2,000 މުވައްޒަފުން އެބަ ތިއްބެވެ.
Advertisement
This content is created and paid for by advertisers and does not involve Voice Journalists
