އިޒްރާއިލްގެ ސިފައިން ފަލަސްޠީނުގެ ޣައްޒާއަށް ދީފައިވާ ހަމަލާތަކުގެ ސަބަބުން މިހާތަނަށް 15،500 އަށްވުރެ ގިނަމީހުން ޝަހީދުކޮށްލައިފައިވާ ކަމަށް ފަލަސްޠީނުގެ ހެލްތް މިނިސްޓްރީ އިން ބުނެފިއެވެ.

ފަލަސްޠީނުގެ ހެލްތް މިނިސްޓްރީ އާއި ހަވާލާދީ އަލްޖަޒީރާގައި ބުނެފައިވަނީ ހަމަލާތަކުގެ ސަބަބުން މިހާތަނަށް ޣައްޒާގެ 15،523 މީހަކު ޝަހީދުވެފައިވާ ކަމަށެވެ.

އަލްޖަޒީރާގައި އިތުރަށް ބުނެފައިވަނީ ޣައްޒާއިން ޝަހީދުވި މީހުންގެ ތެރެއިން ހަތްދިހަ ޕަސެންޓް ޝަހީދުންނަކީ ކުޑަކުދިންނާއި އަންހެނުން ކަމަށެވެ.

ފަލަސްޠީނުގެ ހެލްތް މިނިސްޓްރީ އޮފް ހެލްތްގެ ސްޕޯކްސްޕާސަން އަޝްރަފް އަލްޤުދްރާ ވިދާޅުވެފައިވަނީ 41،316 މީހަކަށް ވަނީ އެކިވަރުގެ އަނިޔާތައް ލިބިފައި ކަމަށެވެ.

“ފާިއތުވި މަދު ގަޑިއިރުކޮޅުގެ ތެރޭގައި ވެއްޓިފައިވާ ޢިމާރާތްތަކުގެ ދަށުން ނެގިފައިވަނީ 316 ޝަހީދުންގެ ހަށިގަނޑާއި، ޒަޚަމްވެފައިވާ 644 މީހެއް، ގިނަ ޢަދަދެއްގެ ބަޔަކު އަދިވެސް ވަނީ އިމާރާތްތަކުގެ ދަށުގައި ތާށިވެފައިވާނެ” އަޝްރަފް އަލް ޤުދްރާ ވިދާޅުވެފައިވެއެވެ.

ފަލަސްޠީނުގެ ސެންޓްރަލް ބިޔުރޯ އޮފް ސްޓެޓިކްސް އިން ބުނެފައިވަނީ ހަނގުރާމަ ފެށުނުފަހުން ޣައްޒާގެ އާބާދީގެ 3ބައިކުޅަ ދެބައި ވަނީ ޑިޕްރެޝަންގެ ބަލިމަޑުކަން ތަހައްމަލް ކުރަން ޖެހިފައި ކަމަށެވެ.

މި ތަފާސްހިސާބުތަކުން ދައްކާގޮތުން 18 އަހަރާއި 29 އަހަރުގެ ޒުވާނުންގެ ތެރެއިން ގިނަ ބަޔަކު ދަނީ ޕޯސްޓް ޓްރައުމެޓިކް ސްޓްރެސް ޑިސްއޯޑަރ ގެ އުނދަގޫ ތަހައްމަލް ކުރަމުން ކަަމަށެވެ.

5 އަހަރާއި 17 އަަހަރުގެެ ކުދިން ދަނީ އެންޒައިޓީގެ އުނދަގޫ ތަހައްމަލް ކުރަމުން ކަމަށް އަލްޖަޒީރާގައި ބުނެފައިވެއެވެ.