ފާއިތުވި 24 ގަޑިއިރުތެރޭގައި އިޒްރާއިލްގެ 28 މިލިޓަރީ ވެހިކަލެއް ހަލާކުކޮށްލައިފައިވާނެ ކަމަށް އަލް ޤަސަމް ބްރިގޭޑްސްގެ ސްޕޯކްސްޕާސަން އަބޫ އުބައިދާ ވިދާޅުވެއްޖެއެވެ.

އަބޫ އުބައިދާ މީޑީއާ ތަަކާއި ވާހަަކަ ދައްކަވަމުން ވިދާޅުވެފައިވަނީ ޣައްޒާގައި ހަނގުރާމަ ކުރިއަށްދާ ސަރަހައްދު ތަކުގައި ވާ އިޒްރާއިލްގެ 28 މިލިޓަރީ ވެހިކަލެއް ހަލާކުކޮށްލައިފައި ވާ ކަމަށާއި، އޭގެ ތެރެއިން އެއްބައި ވެހިކަލް ތައް މުޅިން އެކަށް ހަލާކުވެފައި ކަމަށެވެ.

އަބޫ އުބައިދާގެ ސްޓޭޓްމަންޓުގައި އިތުރަށް ވިދާޅުވެފައިވަނީ ހަމާސްގެ މުޖާހިދުން އިޒްރާއިލްގެ ޔަހޫދީ ސިފައިންނާއި ކުރިމަތިލައިފައިވާ ކަމަށެވެ. އެގޮތުން “އެންޓި ފޯޓިފިކޭޝަން” ހަތިޔާރާއި “އެންޓި ޕާސަނަލް” ހަތިޔާރުން އިޒްރާއިލްގެ ސިފައިނަށް ހަމަލާތައް ދީ އޭގެތެރެއިން ބަޔަކު މަރައިލައި ފައި ވާ ކަމަށްވެސް އަބޫ އުބައިދާ ވިދާޅުވެފައިވެއެވެ.

މީގެ އިތުރުން އަބޫ އުބައިދާ ވިދާޅުވެފައިވަނީ ހަމާސްގެ މުޖާހިދުން ރޮކެޓްތަކާއި މޯޓަރ ޝެލްސް ބޭނުން ކޮށްގެން އިޒްރާއިލުން ފަލަސްތީނުގެ ބިމުގައި ވެރިވެގަނެގެން ތިބި އެކި ސިޓީ ތަކަށް ހަމަލާތައް ދީފައިވާނެ ކަމަށެވެ.