މާލެއާއި ހުޅުމާލޭގެ ބައެއް ސަރަހައްދުތަކުން މިއަދު ކަރަންޓް ކެނޑިދާނެކަމުގައި ސްޓެލްކޯއިން ބުނެފިއެވެ.
މިކަން ހާމަކޮށް ސްޓެލްކޯއިން ކުރި ޓުވީޓެއްގައި ބުނެފައިވަނީ، ކަރަންޓް ވިއުގަރ ގެ މަސައްކަތެއް ކުރުމަށްޓަކައި މިއަދު މާލެއާއި ހުޅުމާލޭގެ ބައެއް ސަރަހައްދު ތަކުން ކަރަންޓް ކެނޑެނެ ކަމަށެވެ.
އެ ގޮތުން މި މަސައްކަތަށް ހުޅުމާލޭގެ ނިރޮޅުމަގާއި، ޗަނބޭލީމަގު ހިމެނޭ ސަރަހައްދުގެ ފްލެޓް 139 އިން 152 ހިމެނޭގޮތަށް މިއަދު މެންދުރުފަހު 2 ން ހަވީރުު 3 ޖެހުމާއި ދެމެދު ކަރަންޓުގެ ހިދުމަތް މެދުކެނޑިދާނެ ކަމުގައި ސްޓެލްކޯގެ ޓުވީޓުގައު ބުނެފައިވެއެވެ.
މީގެ އިތުރުން މާލޭގެ ގަލޮޅުގެ އަމީނީމަގާއި، ތަބުރޭޒީ ހިނގުން، ސިއްތިމާވާ ހިނގުން އަދި ރަށްދެބައިމަގު ހިމެނޭ ސަރަހައްދުން ވެސް މިއަދު މެންދުރުފަހު ކަރަންޓުގެ ހިދުމަތް މެދުކެނޑޭނެ ކަމަށާއި އެގޮތުން މެންދުރުފަހު 2 ން ހަވީރު 4 ޖެހުމާއި ދެމެދު ކަރަންޓުގެ ހިދުމަތް މެދުކެނޑުމަކީ އެކަށީގެންވާކަމެއް ކަމުގައި އެކުންފުނިން ހާމަކުރެއެވެ.
އެކުންފުނިން ވަނީ މިވަގުތުތަކުގައި ރައްޔިތުންނަށް ދިމާވާނެ ދަތިތަކަށް ނިހާޔަތަށް މައާފަށް އެދިފައެވެ. އަދި އެ ވަގުތުތަކުގައި ރައްޔިތުންގެ ފަރާތުން ލިބޭ އެެއްބާރުލުމަށް އެ ކުންފުނިން ވަނީ ޝުކުރު އަދާކުރައްވާފައެވެ.
Advertisement
This content is created and paid for by advertisers and does not involve Voice Journalists
