ޢައްޒާގެ 100 އާއިލާއަކަށް، އިންޓަރ ނޭޝަަނަލް އެއިޑް ކެމްޕޭނުން ފައިސާގެ އެހީ ފޯރު ކޮށްދީފިއެވެ.

އައިއޭސީ އިން މިއަދު ހާމަކޮށްފައިވާ ގޮތުގައި ޣައްޒާގެ 100 އާއިލާއަކަށް 500 ޑޮލަރުގެ މަގުން ވަނީ ފައިސާ ހަދިޔާ ކުރެވިފައެވެ. މި ފައިސާ ހަދިޔާ ކުރެވިފައިވަނީ ޣައްޒާގެ ދެއިރް އަލް ބަލަޙް ސިޓީގެ ޢާއިލާތަކަށެވެ.

އައިއޭސީ އިން ބުނެފައިވަނީ މި ވަގުތު ދެއިރް އަލް ބަލަޙް ސިޓީގެ ބައެއް މާރުކޭޓް ތަކާއި ބައެއް ވިޔަފާރިތައް ހުރީ ހުޅުވައިފައި ކަމަށެވެ.

Advertisement

“މި ފައިސާއަކީ އެ ސަރަހައްދުގައި ދިރިއުޅޭ ޣައްޒާގެ މި ރައްޔިތުންނަށް ވަރަށް ބޮޑު ފަސޭހައަކަށް ވެގެންދާނެ “ އައިއޭސީ އިން ބުނެފައިވެއެވެ.

ދެއިރް އަލް ބަލަޙް ގައި ބައި މިލިއަނަށް ވުރެ ގިނަ މީހުން ގެދޮރު ގެއްލި ދިރިއުޅެމުން ދާ ކަމަށް އައިއޭސީ އިން ވަނީ ބުނެފައެވެ.

މީގެ އިތުރުން އައިއޭސީ އިން ބުނެފައިވަނީ އެޖަމިއްޔާއިން ޣައްޒާގައި އެހީ ފޯރުކޮށްދެނީ އެހީއަށް ބޭނުންވާ ރައްޔިތުންގެ ކައިރިން އަހާ އޮޅު ފިލުވުމަށް ފަހު އެމީހުންނަށް އެންމެ ބޭނުން ޖެހިފައިވާ ކަންކަމަށް އިސްކަން ދީގެން. ކަމަށެވެ.

އިޒްރާއިލުން ފަލަސްޠީނަށް ދެމުންދާ ހަމަލާތަކުގެ ސަބަބުން އެހީތެރިކަމަށް ބޭނުން ޖެހެމުންދާ އެކި ދިމަދިމާއިން އެހީ ފޯރު ކޮށްދިނުމަށް އައިއޭސީ އިން ދަނީ މަސައްކަތް ކުރަމުންނެވެ.