ސިވިލް ސަރވިސް ކޮމިޝަނުން ހުސްވެފައިވާ މެންބަރުކަމުގެ މަގާމަށް ކުރިމަތިލުމުގެ ފުރުޞަތު ރައީސުލްޖުމްހޫރިއްޔާގެ އޮފީހުން މިއަދު ހުޅުވާލައްވައިފިއެވެ.

އެ އޮފީހުން ކޮށްފައިވާ އިއުލާނެއްގައި ބުނެފައިވަނީ، ސިވިލް ސަރވިސް ކޮމިޝަނުގެ މެންބަރުކަމަށް ކުރިމަތިލުމަށް އެދިވަޑައިގަންނަވާ ފޯމު، 2023 ޑިސެމްބަރުު 18 އަދި 19 ދެ ދުވަހުގެ 09:30 އިން މެންދުރު 12:30 އަށް ރައީސުލްޖުމްހޫރިއްޔާގެ އޮފީހު ބަލައިގަތުމަށް ވަނީ ހަމަޖެހިފައިކަމުގައެވެ. 

މި މަގާމަށް ކުރިމަތިލާ މީހެއްގެ ކިބައިގައި ހުންނަން ޖެހޭ ޝަރުތުތަކުގެ ތެރޭގައި ބުއްދި ސަލާމަތުން ހުރުމާއެކު، އުމުރުން 30 އަހަރު ވުމާއެކު ވޭތުވެދިޔަ 5 އަހަރު ދުވަހުގެ ތެރޭގައި އެއްވެސް ޖިނާއީ ނުވަަތަ އިސްލާމްދީނުގައި ހައްދު ކަނޑައެޅިފައިވާ ކުށެއް ކުރިކަން މި ފާއިތުވި 5 އަހަރު ސާބިތުވެފައިވާ މީހަކަ ނުވުމާއި،ފުރަތަމަ ޑިގްރީއެއް ހާސިލްކުރުމަށްފަހު ހިނގުމުގެ ދާއިރާގައި 10 އަހަރު މަސައްކަތް ކޮށްފައިވާ މީހަކަށްވުން ހިމެނެއެވެ. 

Advertisement

މި މަގާމަށް  ކުރިމަތި ލުމަށް އެދި ހުށަހަޅާ ފޯމު ރައީސުލްޖުމްހޫރިއްޔާގެ އޮފީހުގެ  ވެބްސައިޓް    www.presidency.gov.mv އިން ޑައުންލޯޑް ކުރެއްވޭނެއެވެ.