ޚިދުމަތެއްގެ ގޮތުގައި ހިމަނައިގެން އާސަންދައިގެ ތެރެއިން ހިލޭ މެޑިކަލް ޗެކްއަޕް ހެދޭގޮތް ހަމަޖެއްސުމަށް ނިންމަވައި އެކަން ރައީސުލްޖުމްހޫރިއްޔާ ޑރ މުހައްމަދު މުޢިއްޒު އިއުލާނު ކުރައްވައިފިއެވެ.
ރައީސްއޮފީހުގައި މިއަދު ކުރިއަށްދިޔަ ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސުލްޖުމްހޫރިއްޔާ ޑރ މުހައްމަދު މުޢިއްޒު ވިދާޅުވީ، މެޑިކަލް ޗެކްއަޕް ގެ ޚިދުމަތް ސަރުކާރު ހޮސްޕިޓަލްތަތާއި ސިއްހީ މަރުކަޒުތަކުން ލިބޭނެ ކަމަށާއި އަދި ޚިދުމަތް ނުލިބޭ ހާލަތެއްގައި އާސަންދަ ސްކީމުގައި ރެޖިސްޓަރކޮށްފައި ހުންނަ ސެންޓަރުތަކުން ވެސް ހިލޭ ޓެސްޓްތައް ހެދޭނެ ކަމަށެވެ.
މީގެ އިތުރުން މެޑިކަލް ޗެކަޕްގެ ޚިދުމަތް ދިނުމުގެ ވިސްނުން ސަރުކާރުން ގެންގުޅެނީ އެކި އުމުރުފުރާތަކަށް އެކި ޕެކޭޖުތަކަށް ބަހާލައިގެން ކަމުގައިވެސް ރައީސް ޑރ މުހައްމަދު މުޢިއްޒު ވަނީ ވިދާޅުވެފައެވެ.
އެކި އުމުރުފުރާތަކަށް ބަހާލައިގެން އެކި ޕެކޭޖްތައް ހަދައިގެން މި ޚިދުމަތް ދޭން ސަރުކާރުގެ ވިސްނުން ހުރީ
ރައީސް ޑރ މުހައްމަދު މުޢިއްޒު
މީގެ އިތުރުންވެސް މި ސަރުކާރުގެ ސިޔާސަތަކީ ބަލި ޖެހުމުގެ ކުރިން ބައްޔަށް ހޭލުންތެރިކަން އިތުރުކުރުން ކަމުގައި ފާހަގަ ކުރައްވަމުން ރައީސް ޑރ މުޢިއްޒުވަނީ ބަލި ތަކާއި ގުޅޭ ގޮތުން ހޭލުންތެރިކުރުވުމުގެ ޕްރޮގްރާމްތައް ހިންގާނެކަމުގައިވެސް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
