އިއްޔެ ކެބިނެޓާއި އެކު ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބޭއްވެވި ފުރަތަމަ ޕްރެސް ކޮންފަރެންސްގައި ނިންމެވި 10 ވަޢުދުފުޅަކީވެސް ދިވެހި ރައްޔިތުންނާ ސީދާ ގުޅުންހުރި ރައްޔިތުންގެ ހެވާލާބަޔަށް ނިންމެވި މުހިއްމު ނިންމެވުންތަކެއް ކަމަށް މިނިސްޓަރ އޮފް ފިޝަރީޒް އެންޑް އޯޝަން ރިސޯސަސް އަހްމަދު ޝިޔާމް ވިދާޅުވެއްޖެއެވެ.

ޝިޔާމް މިފަދައިން ވިދާޅުވީ އެބޭފުޅާ ކުރެއްވި ޓްވީޓެއްގައެވެ.

މިބައްދަލުވުމުގައި ރައީސް ވަނީ އެމަނިކުފާނު ގެ ވައުދުފުޅު ތަކުގެ ތެރެއިން 1000 ފަޤީރުން ހައްޖަށް ފޮނުވުމަށް ނިންމުމާއި ހިޔާ ފްލެޓް ގެ ކުލި ކުޑަ ކުރުމާއި ގެދޮރުވެރިކަމާއި ބެހޭ މުހިންމު މައުލޫމާތު ތަކެއް ނޫސްވެރިންނާއި ހިއްސާ ކުރައްވާފައެވެ.

މީގެ އިތުރުން މެޑިކަލް ޗެކަޕާއި، އައިވީއެފް އާސަންދައިން ހެދޭގޮތް ހަމަޖައްސަންވެސް އިއްޔެގެ ބައްދަލުވުމުގައި ނިންމަވައި، އެކަން ރައީސް މުޢިއްޒު ވަނީ އިޢުލާން ކުރައްވާފައެވެ. 

މިކަންކަމަކީ އެމަނިކުފާނު ރިޔާސީ އިންތިހާބުގެ ތެރެއިން ވަޢުދުވެވަޑައިގެންނެވި މުހިންމު ކަންތައްތައް ކަން ފާހަގަކޮށްލަންޖެހެ އެވެ.