ސިޔާސަތު އެކުލަވާލުމުގެ މަރުހަލާގައި މިންތީގެ ހަމަހަމަކަން ހިމެނުމަކީ ހަމައެކަނި އިޚްތިޔާރެއް ނޫން ކަމަށާއި އެއީ ކޮންމެހެން ކުރަންޖެހޭ ކަމެއް ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ އަނބިކަބަލުން، ފަސްޓް ލޭޑީ ސާޖިދާ މުހައްމަދު ވިދާޅުވެއްޖެއެވެ.
އެކަމަނާ މިހެން ވިދާޅުވީ ޕޮލިސީ މޭކިން ވެލިޑޭޝަން އެންޑް އެޑްވޮކޭޝަން ވޯކްޝޮޕް ފެށުމުގެ ގޮތުން މިއަދު ހެނދުނު ބޭއްވި ރަސްމިއްޔާތުގަ އެވެ.
މި ވޯކްޝޮޕްގައި ވާހަކަފުޅު ދައްކަވަމުން ފަސްޓް ލޭޑީ ވަނީ ލިބެން ހުރި މައުލޫމާތުތަކުގެ މައްޗަށް ބިނާކޮށް އާ ސިޔާސަތުތައް އެކުލަވާލުމުގައި ވޯކްޝޮޕްގެ ފުރުސަތުގެ ބޭނުން ކުރުމަށް އިލްތިމާސް ކުރައްވާފައެވެ. އެކަމަނާ އިތުރަށް ވިދާޅުވީ ރައީސް ޑރ.މުއިއްޒުގެ ވެރިކަމަކީ ރައްޔިތުންގެ އެދުންތަކާ އެއްގޮތަށް ގައުމުގެ ތަރައްގީ ކުރާނެ ވެރިކަމެއް ކަމަށެވެ.
މީގެ އިތުރުންވެސް ފަސްޓް ލޭޑީ ވިދާޅުވީ މި ސަރުކާރުން ވައުދުވީ ހަމައެކަނި މިންތީގެ ހަމަހަމަ ކަމަށް ނޫން ކަމަށާއި ގައުމީ ތަރައްގީގެ ހުރިހާ ދާއިރާއެއްގައި އަންހެނުންގެ ބައިވެރިވުން އިތުރުކުރުމަކީވެސް މި ސަރުކާރުގެ އަމާޒެއް ކަމަށެވެ. އަދި އަންހެނުންގެ އިގްތިސާދީ ޙިއްޞާ ކުރިއެރުވުމާއި ސިޔާސީ އަދި އާންމު ދިރިއުޅުމުގައި ބައިވެރިވުމަކީ ވެސް ސަރުކާރުން އަމާޒުކުރާ ކަންތައްތަކުގެ ތެރޭގައި ހިމެނޭ ކަމެއް ކަމަށް ވެސް އެކަމަނާ ވިދާޅުވި އެވެ.
މި ވޯކްޝޮޕްގައި ޕާޓްނަރޝިޕް ފޯ ސްޓެޓިސްޓިކްސް، ، މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް (އެމްއޯއެސްއެފްޑީ) އަދި ފޯރ ޑިވެލޮޕްމަންޓް އިން ދަ 21 ވަނަ ސެންޗަރީ (ޕެރިސް 21) އާއި ގުޅިގެން ކުރިއަށް ގެންދިޔަ “ދިވެހި ރާއްޖޭގައި ސިޔާސަތު ކަނޑައެޅުމުގައި މިންތީގެ ހަމަހަމަކަމުގެ ސިޔާސަތުގެ ދައުރު” ވޯކްޝޮޕްގައި މޯލްޑިވްސް ބިއުރޯ އޮފް ސްޓެޓިސްޓިކްސް (އެމްބީއެސް) ގެ ދިރާސާ ތަކުން ލިބުނު މައުލޫމާތު ތަކަށް ވަނީ އަލި އަޅުވާލާފައެވެ.
Advertisement
This content is created and paid for by advertisers and does not involve Voice Journalists
