މާފަރު އިންޓަރނޭޝަނަލް އެއަރޕޯޓުގައި އިމަންޖެންސީ އެކްސަސައިޒް ޑްރިލްއެއް މޯލްޑިވިއަންގެ ފަރާތުން މިއަދު ކުރިއަށް ގެންގޮސްފިއެވެ.
100 އަށް ވުރެ ގިނަ ބައިވެރިންނާއެކު މިއަދު ކުރިއަށް ގެންދިޔަ މި ހަރަކާތަކީ އެއަރޕޯޓްގެ ކުއްލި ޙާލަތަށް ތައްޔާރުވެފައިވާ މިންވަރު ބެލުމުގެ ގޮތުން ބޭއްވި އެކްސަސައިޒެއް ކަމުގައި މޯލްޑިވިއަންގެ ފަރާތުން ބުނެފައިވެއެވެ.
މި ހަރަކާތުގައި މާފަރު އިންޓަރނޭޝަނަލް އެއަރޕޯޓުގެ މުވައްޒަފުންގެ އިތުރުން، މާފަރުގެ ގިނަ މުވައްސަސާތަކަކުން ބައިވެރިވެފައިވެއެވެ.
މޯލްޑިވިއަނުން ހާމަކޮށްފައިވަނީ، މި ޑްރިލް ބޮޑަށް އަމާޒުކޮށްފައިވަނީ، ރަންވޭ މަތީގައި ފްލައިޓެއް ކްރޭޝްވުން ނުވަތަ ފްލައިޓަކަށް ދިމާވާ ކުއްލި ޙާލަތެއްގައި ކަމާގުޅުންހުރި ދާއިރާތައް ގުޅިގެން މަސައްކަތް ކުރާނެ ގޮތާއި ގުޅޭގޮތުންކަމަށެވެ.
އެގޮތުން އެއަރޕޯޓް ކުއްލި ޙާލަތަށް ގެނައުމާއި، ކުއްލި ޙާލަތާއި ގުޅިގެން އެއަރޕޯޓްގެ އޮޕަރޭޝަނަށް ގެންނަ ބަދަލުތައް އެކްސަސައިޒް ކޮށްފައިވާކަމަށެވެ.
މީގެއިތުރުން، ކުއްލި ސިއްޙީ ފަރުވާ ކުރިއަށްގެންދާނެ ގޮތާއި، މިފަދަ ހާލަތުގައި އަވަސްފަރުވާ ދިނުމަށް ޢަލަމުކުރާނެ ގޮތްތަށް ޕްރެކްޓިސްކޮށްފައިވެއެވެ. މިހަރަކާތަކީ މާފަރު އިންޓަނޭޝަނަލް އެއަރޕޯޓުގައި ބޭއްމި މިފަދަ ފުރަތަމަ ތަމްރީނެވެ.
Advertisement
This content is created and paid for by advertisers and does not involve Voice Journalists
