ހއ. ތަކަންދޫ އިބްރާހީމީ ހިޔާ، ނަދީމު އަބްދުއްރަހީމް މަރާލި މައްސަލައިގައި ދައުވާކޮށް ސާބިތު ނުވެގެން ދޫކޮށްލި ހަތަރު މީހުންގެ ބަންދުގެ މައްސަލަ އަލުން ބަލަން ސްޕްރީމް ކޯޓުން ހުކުމް ކޮށްފިއެވެ.
ދައުވާކޮށް ސާބިތު ނުވެގެން ދޫކޮށްލި ހަތަރު މީހުންގެ ބަންދުގެ މައްސަލަ އަލުން ބަލައިދިނުމަށް އެދި ހައިކޯޓުގެ މައްޗަށް ހުކުމްކޮށްދިނުމަށްއެދި ސުޕްރީމް ކޯޓަށް ހުށައެޅީ ޕްރޮސެކިއުޓަރ ޖެނެރަލް (ޕީޖީ)ގެ އޮފީހުންނެވެ.
ނަދީމް މަރާލި މައްސަލަ އާއި ދައުލަތުން ފަސް މީހެއްގެ މައްޗަށް ވަނީ ދައުވާ ކޮށްފައި އެވެ. މިގޮތުން ގ. ޝާރާޒް، މުހައްމަދު މަފާޒު ހުސައިން ސަލީމްގެ މައްޗަށް ގަސްތުގައި މީހަކު މެރުމުގެ ކުށުގެ ދައުވާ އުފުލާފައިވާއިރު ތޫނު އެއްޗެއް ބޭނުންކޮށްގެން، ގަސްތުގައި މީހަކު މަރާލުމުގައި ބައިވެރިވި ކަމުގެ ކުށުގެ ދައުވާ, ރ. އިންނަމާދޫ ސަމަންތާ, ހުސައިން ޝާމިންއާއި ގއ. ގެމަނަފުށި ހަވާސް, މުހައްމަދު ކަރަމް ސުހައިލް, އަދި ލ. ގަން ވިދާތަރި, އަލީ ނިފާޒުގެ މައްޗަށް ދައުލަތުން އުފުލިއެވެ.
ހުކުމްގައި މައްސަލަ ބެއްލެވި ފަނޑިޔާރު ހުސްނުސުއޫދު ވިދާޅުވީ ކުށުގެ ތުހުމަތުކުރެވޭ މީހުން ޝަރީއަތް ނިމެންދެން ދަށު ކޯޓުން ބަންދުކުރުމުން އެ އަމުރު ތަންފީޒު ކުރާނެ ގޮތްތައް ޖިނާއީ އިޖުރާތުގެ ގާނޫނާއި ގަވާއިދުގައި ބަޔާންކޮށްފައިވާ ކަމަށެވެ. އެހެން ނަމަވެސް އެ ގާނޫނާއި ގަވާއިދުތައް އިސްތިއުނާފީ މަރުހަލާގައި ޝަރީއަތް ނިމެންދެން ބަންދުކުރަން އަމުރު ކުރާ ހާލަތުގައި ތަންފީޒުކުރަން ހުރަސް އެޅެނީ ކޮން ގާނޫނޫ އިޖުރާތެއް ނެތިގެން ކަމެއް ހައިކޯޓުން ކުރި އަމުރުގައި ބަޔާންކޮށްފައި ނުވާ ކަމަށެވެ.
ޖުލައި 27، 2017 ގައި ހަވީރު ޓާމިނަލް ކެފޭގެ ތެރޭގައި އިންދާ ބަޔަކު އައިސް ނަދީމް މަރާލާފައި ވަނީ ތޫނު އެއްޗަކުން ހަމަލަދީގެންނެވެ. އޭނާ މަރުވީ އޭނައަށް ލިބިފައިވާ އަނިޔާތަކަށް ފަރުވާ ދެމުން ދަނިކޮށް އޭގެ ދެ ދުވަސް ފަހުންނެވެ.
Advertisement
This content is created and paid for by advertisers and does not involve Voice Journalists
