ބިޑް ކުރުމުގެ ދައުވަތަކާއި ނުލާ ސަރުކާރަށް ޕްރޮޕޯޒަލް ހުށައެޅުމުގެ އުސޫލު ރައީސުލްޖުމްހޫރިއްޔާ ޑރ.މުހައްމަދު މުއިއްޒު އުވާލައްވައިފިއެވެ.
މި އުސޫލު އުވާލިކަން ރައީސް އޮފީހުން ވަނީ އިއުލާން ކޮށްފައެވެ.
މި އިއުލާން ގައި ބުނެފައި ވަނީ މި އުސޫލަށް އަމަލު ކުރަން ފަށާނީ މި އުސޫލު ޝާއިއު ކުރާ ތާރީހުން ފެށިގެން ކަމަށެވެ.
ބިޑްކުރުމުގެ ދައުވަތަކާ ނުލައި ސަރުކާރަށް ޕްރޮޕޯޒަލް ހުށަހެޅުމުގެ އުސޫލަށް އަމަލުކުރަން ފަށާފައިވަނީ ޖެނުއަރީ 2019 ގައިއެވެ.
އޭރު ވެރިކަމުގައި ހުންނެވި ރައީސް އިބްރާހިމް މުހައްމަދު ޞާލިހު މި އުސޫލު ކަނޑައެޅުއްވީ މާލިއްޔަތު ގަވާއިދުގައި ބަޔާންކޮށްފައިވާ ގޮތުގެ މަތިން ބޭރު ގައުމެއްގެ އެހީގައި ހިންގާ ނުުވަތަ ކޮންސެޝަނަލް ލޯނެއްގެ ދަށުން ހިންގާ މަޝްރޫއުތަކާއި، ސަރުކާރުން ހިންގަން ކަނޑައަޅާ މަޝްރޫއެއް ހިންގުމުގައި ބިޑުކުރުމަކާ ނުލައި ވަޒީރުންގެ މަޖިލީހުގެ ނުވަތަ ވަޒީރުންގެ މަޖިލީހުގެ ކޮމިޓީއެއްގެ މަޝްވަރާގެ މަތިން ރައީސުލްޖުމްހޫރިއްޔާ ކަނޑައަޅާ ފަރާތަކާ ހަވާލުކޮށްގެން އެ މަޝްރޫއެއް ހިންގުމަށެވެ.
އޭރު ރައީސް އޮފީހުން ބުނެފައިވަނީ އެގޮތަށް ނިންމީ ދައުލަތުގެ މާލިއްޔަތުގެ ގަވާއިދުގައި ބަޔާންކޮށްފައިވާ ގޮތުގެ މަތީން، ވިޔަފާރީގެ ދާއިރާ އާއި ރައްޓެހި މާހައުލެއް ގާއިމުކުރުމުގެ ސިޔާސަތަށް ބާރު އެޅުމުގެ ގޮތުން ކަމަށެވެ.
މިއީ ކޮރަޕްޝަނާއި ފަސާދައަށް ހުޅުވޭ ދޮރެއް ކަމުގައި ބުނެ، މި ކަމާއި ދެކޮޅަށް ރައްޔިތުންގެ މަޖިލީހުގައި މެމްބަރުން އަޑު އުފުލާފައި ވާކަން ފާހަގަ ކޮށްލަން ޖެެހެއެވެ.
Advertisement
This content is created and paid for by advertisers and does not involve Voice Journalists
