ކުލަބު ޖީއެސްގެ ފަރާތުން އިންތިޒާމްކޮށްގެން ހއ.ހޯރަފުށީ މިއަހަރުގެ ޑިސެމްބަރު 13 ގައި ފެށުމަށް ހަމަޖެހިފައި އޮތް "2 ވަނަ ޖީއެސް ވޮލީބޯޅަ ޓޯނަމަންޓް" ގެ ގުރުލުން މިއަދު ބާއްވައިފިއެވެ.

ހޯރަފުށީ ކައުންސިލްގެ އިދާރާގައި މިއަދު ބޭއްވުނު ގުރުލުމުގެ ރަސްމިއްޔާތުގައި މުބާރާތުގައި ބައިވެރިވި ހަތަރު ޓީމުގެ އޮފިޝަލުން ބައިވެރިވެފައިވާއިރު، މުބާރާތުގެ ކުޅުން ފެށުމަށް ހަމަޖެހިފައިވަނީ މިމަހުގެ 13 ވަނަ ދުވަހު ރޭ އެވެ. އަދި މުބާރާތުގެ ފައިނަލް މެޗު ކުޅުމަށް ހަމަޖެހިފައިވަނީ މިމަހުގެ 19 ވަނަ ދުވަހު އެވެ.

ޖީއެސް ވޮލީބޯޅަ ޓޯނަމަންޓް މުބާރާތުގެ ޝެޑިއުލް

މިއަހަރުގެ މުބާރާތުގައި ޖުމުލަ ހަތަރު ޓީމެއް ބައިވެރިވެފައިވާ އޭގެތެރޭގައި ހިމެނެނީ ހޯރަފުށީގެ ދެޓީމާއި ކެލާގެ ދެޓީމެވެ. އަދި މުބާރާތް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި ހަތަރު ޓީމުގެ މެދުގައި ލީގު އުސޫލުން ކޮންމެ ޓީމެއް ކޮންމެ ޓީމަކާ އެއްފަހަރު ކުޅެ އެންމެ ގިނަ ޕޮއިންޓް ހޯދާ ޓީމަކަށް މުބާރަތުގެ ފައިނަލްގެ ޖާގައެއް ލިބޭގޮތަށެވެ.

ޖީއެސް ވޮލީބޯޅަ ޓޯނަމަންޓް ގުރުލުމުގެ ރަސްމިއްޔާތު ތެރެއިިން 

މުބާރާތުގެ ފައިނަލްގެ ދެވަނަ ޖާގަ ލިބިގެންދާނީ ލީގު ބުރުގެ ދެވަނަ ޓީމާއި ތިންވަނަ ޓީމުގެ މެދުގައި ސެމީ ފައިނަލް މެޗެއް ކުޅެ އެމެޗުން މޮޅުވާ ޓީމަކަށެވެ.

ޖީއެސް ވޮލީބޯޅަ ޓޯނަމަންޓް ގުރުލުމުގެ ރަސްމިއްޔާތު ތެރެއިިން 

މި މުބާރަތަކީ ކުލަބު ޖީއެސްގެ ފަރާތުން އިންތިޒާމްކޮށްގެން ހޯރަފުށީގައި ވޮލީބޯޅަ ދިރުވައި އާލާކުރުމުގެ އިތުރުން ރަށުގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ މަގުސަދުގައި 2021 ވަނަ އަހަރު ހއ.ހޯރަފުށީގައި ހަރަކާތެރިވާ ކުލަބު ޖަމިއްޔާތަކާއި ސަރުކާރުގެ އޮފީސްތަކާއި، ސަރުކާރު ހިއްސާވާ ކުންފުނިތަކުގެ އިތުރުން އަމިއްލަ ކުންފުނިތަކާއި އަމިއްލަ ވިޔަފާރިތަކަށް ބައިވެރިވުމުގެ ފުރުސަތު ހުޅުވާލައިގެން އެ ކުލަބުން ބާއްވަން ފެށި މުބާރާތެއް ކަމަށެވެ.

ޖީއެސް ވޮލީބޯޅަ ޓޯނަމަންޓް ގުރުލުމުގެ ރަސްމިއްޔާތު ތެރެއިިން 

ނަމަވެސް އެކި ސަބަބުތަކާއި ހުރެ މިދިޔައަހަރު މުބާރާތް ނުބޭއްވި ދިޔައީ، އެކަމަކު މި ފަހަރު މަސައްކަތް މިކުރަނީ ހުރިހާ ގޮތަކުން ވެސް ކުރީ މުބާރާތަށް ވުރެ ފެންވަރު ރަގަޅު މުބާރާތެއް ބޭއްވޭތޯ. އެގޮތުން ފުރަތަަމަ މުބާރާތުގައި ޗެމްޕިއަންކަން ޓީމަށް 10,000 ރުފިޔާ ގެ ފައިސާގެ އިނާމެއް ހުށަހަޅާފައިވާއިރު، މި އަހަރު އެ އަދަދު މިވަނީ 25,000 ރުފިޔާ އަށް ބޮޑުކޮށްފައެވެ. އަދި ރަނަރަޕް ޓީމަށް މި އަހަރު ވަނީ 10,000 ރުފިޔާ ހުށަހަޅާފައެވެ.

މުބާރާތުގެ ޓައިޓަލް ސްޕޮންސަރ އަކީ ސޭލްސްކޯ ހާޑްވެއާ އެވެ. އަދި އޮފިޝަލް ކިޓް ސްޕޮންސަރަކަށް އެލިޓެޒް ޖާޒީ އެވެ. މީގެއިތުރުން މުބާރާތުގެ މީޑިޔާ ޕާޓްނަރަކަށް ހަމަޖައްސާފައި ވަނީ ވޮއިސް އެވެ