ރާއްޖެއަށް އަސާސީ އެއްވެސް ބާވަތެއްގެ މުދާ އެތެރެކުރުމުގައި ހުރަހެއްނެތް ކަމަށް އިކޮނޮމިކް މިނިސްޓަރ މުޙައްމަދު ސަޢީދު ވިދާޅުވެއްޖެއެވެ.

މިނިސްޓަރ ސައީދު މިހެން ވިދާޅުވީ އެމަނިކުފާނު ކުރެއްވެވި ޓްވިޓެެއްގައެވެ.

ސަޢީދު ވިދާޅުވީ ރާއްޖެއަށް އަސާސ ީއެއްވެސް ބާވަތެއްގެ މުދާ އެތެރެކުރުމުގައި ހުރަހެއްނެތްކަމަށެވެ. އަދި ރާއްޖެ އާއި އެކު ވިޔަފާރިކުރާ އެކުވެރި ޤައުމުތަކުން ރާއްޖެއަށް އަބަދުވެސް އިސްކަންދޭނެ ކަމަށެވެ.

މީގެއިތުރުން ދުނިޔޭގެ ކާބޯތަކެތީގެ ބާޒާރަށް ނުވަތަ ވަކިވަކި ޤައުމުތަކުގެ އެކްސްޕޯޓް ސިޔާސަތަށް ބަދަލުއައުމަކީ އެކިދުވަސްވަރުހިނގާކަންކަން ކަމަށެވެ.

އަދި ރައީސް ޑރ މުޙައްމަދު މުޢިއްޒު އެއްމެ އިސްކަން ދެއްވާ ސިޔާސަތަކަށް އެމަނިކުފާނުގެ ކެމްޕެއިނ ުދުވަސްވަރުން ފެށިގެން އޮފީހާއި ރަސްމީކޮށް ހަވާލުމަށްފަހުވެސް ބައްލަވަމުންއައީ ރައްޔިތުންގެ ފުޑް ސެކިއުރިޓީ ޤާއިމްކުރުމަށް ކަމަށެވެ. އަދި އެކަން ކާމިޔާބުކުރާނީ ދެމެހެއްޓެނި ވަށާޖެހޭ ހައްލަކާއިއެކުގައި ކަަމަށެވެ.

މިނިސްޓަރ ސަޢީދުގެ މިފަދަ ޓްވީޓެއް އައިސްފައި މިވަނީ އަވައްޓެރި އިންޑިޔާއިން ދިވެހިންގެ ކެއުމުގައި ޢާންމުކޮށް ބޭނުން ކޮށް އުޅޭ ބާވަތެއް ކަމަށްވާ ފިޔާ ބޭރު ކުރުން މަނާ ކޮށްފައިވާ ދަނޑިވަޅެއްގައެވެ.

އިންޑިޔާ ސަރުކާރުގެ މި ނިންމުމަކީ އިންޑިޔާގެ ލޯގް ސަބާ އިންތިޚާބާއި ދިމާކޮށް އެޤައުމުގައި ބޮޑުވަމުން އަންނަ އިންފްލޭޝަން ރޭޓް ކުޑަކުރުމަަށް އެޅި ފިޔަވަޅެއް ކަމަށް އިންޑިޔާގެ ބައެއް ނޫސްތަކުން ވަނީ ބުނެފައެވެ.