ދިވެހި ރާއްޖެއަށް އެތެރެކުރުމާއި، ވިއްކުން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މަނާކުރި ކެއްސުމާއި ހުމާއި ރޯގާއަށް ބޭނުން ކުރާ ދިޔާ ބޭހެއް ކަމަށްވާ އެލާގޯ ސިރަޕް، އުފެއްދި ޕާކިސްތާނުގެ ފާމިކްސް ލެބޯރަޓަރީގެ ސިރަޕް ސެކްޝަން ބަންދުކޮށްފިއެވެ.

މި ބޭހަކީ ތަޣައްޔަރުވެފައިވާ ބޭހެއްކަން ރާއްޖެއިން ރިޕޯޓްކުރުމުން ފާކިސްތާނުގެ ޑްރަގް ރެގިއުލޭޓަރީ އޮތޯރިޓީ އޮފް ޕާކިސްތާން (ޑްރޭޕް) އިން ވަނީ އެ ކުންފުނީގެ ސިރަޕް ސެކްޝަންގެ ބަންދުކޮށްފައިކަމަށް ޕާކިސްތާނުގެ "ޑޯން" ނޫހުގައި ވަނީ ރިޕޯޓްކޮށްފައި އެވެ. 

އެ ނޫހުގައި ރިޕޯޓްކޮށްފައިވާ ގޮތުން ލެބޯޓަރީ ޓެސްޓް ރިޕޯޓް ލިބުމުން އެ ކުންފުންޏާ ދެކޮޅަށް ގާނޫނީ ގޮތުން އަޅަންޖެހޭ ފިޔަވަޅު ޑްރޭޕް އިން އަޅާނެއެވެ.

Advertisement

ކުންފުނީގެ ފަރާތުން "ޑޯން" އާއި ވާހަކަ ދެއްކެވި ފަޔާޒް އަހްމަދު ވަނީ ޑްރެޕް އިން ފާމިކްސް ލެބޯރަޓަރީގެ ސިރަޕް ސެކްޝަން ބަންދު ކުރިކަން ކަށަވަރު ކޮށްދެއްވާފައެވެ. ނަމަވެސް އޭގެ ތަފްސީލެއް އޭނާ ދެއްވާފައެއް ނުވެއެވެ.

އެ ކުންފުނިން އުފައްދާ ފަސް ސިރަޕެއްގައި ކެމިކަލް މާއްދާއެއް ކަމަށްވާ ޑައިތަލީން ގްލައިކޯލް (ޑީއީޖީ) އަދި އިތަލީން ގްލައިކޯލް (އީޖީ) ހިމެނޭ ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ކޮށްފައިވާ އެލާޓްތަކާ ގުޅިގެން ރާއްޖެއިން ވެސް ވަނީ ރެންޑަމްކޮށް ސާމްޕަލް ނަގައި ސްކްރީން ކޮށްފައެވެ.

މި ސްކްރީން ކުރުމުގައި މި ކުންފުނީގެ ބޭސް ތަކުގެ ހުރިހާ ބެޗެއްގައިވެސް ގްލައިކޯލް (ޑީއީޖީ) އަދި އިތަލީން ގްލައިކޯލް (އީޖީ) ހުރުމުގެ ސަބަބުން އެ ބޭހުގެ އެލާގޯ ބްރޭންޑްގެ އެއްވެސް ބެޗެއް ރާއްޖެ އެތެރެކުރުމާއި ވިއްކުމާއި ބޭނުންކުރު އެމްއެފްޑީއޭއިން ވަނީ މަނާ ކޮށްފައެވެ.