ބައިނަލް އަޤްވާމީ ދުނިޔޭގައި މަޝްހޫރު ބްރޭންޑެއް ކަމަށްވާ ސްޓަރ ބަކްސް އަށް، ބޮއިކޮޓް ތަކާއި ގުޅިގެން 11 ބިލިއަންގެ ގެއްލުމެއް ލިބިއްޖެއެވެ.

ސްޓަރބަކްސް ބޮއިކޮޓް ކުރުމަށް ގޮވާލަމުންދާ ގޮވާލުން އަންނަ އަޑު އަންނަނީ ގަދަވަމުންނެވެ.

ޚަލީޖް ޓައިމްސް ގައި ބުނެފައިވަނީ ނޮވެމްބަރުގެ 16 ރެޑް ކަޕް ޑޭ ޕްރޮމޯޝަން އިން ފެށިގެން ސްޓަރބަކްސްގެ ހިއްސާ ބޮޑުތަނުން ދަށަށް ޖެހިލައިފައިވާ ކަމަށާއި، 19 ދުވަހުގެ ތެރޭގައި 8.96 ޕަސެންޓް ގެއްލުން ސްޓަރބަކްސްއަށް ގެއްލުންވެފައިވާ ކަަމަށެވެެ.

ޣައްޒާގައި އިޒްރާއިލުން ހިންގަމުންދާ ލާއިންސާނީ ޢަމަލުތަކާއި ދެކޮޅަށް ސޯޝަލް މީޑިއާއިގައި އަޑު އުފުލި ސްޓަރބަކްސްގެ މުވައްޒަފުން ތަކަކަށް އެކުންފުނިން ވަނީ ފިޔަވަޅު އަޅައިފައެވެ.

ސްޓަރބަކްސް ބޮއިކޮޓް ކުރަން ގޮވައިލާން ފެށީ އެހާހިސާބުން ފެށިގެނެވެ.

ސްޓަރބަކްސް ބޮއިކޮޓް ކުރަން ގޮވާލަން ފެށި ގޮވައިލުން އަޑު ގަދަވެ މިހާރު އެކުންފުނިން މިވަނީ ބޮޑެތި ގެއްލުންތަކާއި ކުރިމަތިލާން ޖެހިފައެވެ.

ސްޓަރބަކްސްގެ އިތުރުން ދުނިޔޭގެ ނަން މަޝްހޫރު ގިނަ ކުންފުނިތަކެއް ބޮއިކޮޓް ކުރުމަށް ދަނީ ގޮވައިލަމުންނެވެ. އަދި އެކަމާއި ގުޅިގެން އެކުންފުނިތަކަށްވެސް ދަނީ ގެއްލުންތަކެއް ވަމުންނެވެ.

އެކުންފުނިތަކަށް ބޮއިކޮޓް ތަކާއި ކުރިމަތިލާން ޖެހިފައިމިވަނީ އިޒްރާއިލުން ޣައްޒާއަށް ދެމުންދާ ހަމަލާތަކަށް އެކުންފުނިތަކުން ވާގިވެރިވާ މައްސަލާގައެވެ.