މަސްވެރިންގެ ކަންބޮޑުވުންތަކަށް އަވަސް ހައްލެއް ހޯދުމަށް ޖުމްހުރީ ޕާޓީގެ ލީޑަރު ޤާސިމް އިބްރާހިމް ގޮވާލައްވައިފިއެވެ.

މިފަދައިން ޤާސިމް ވިދާޅުވީ މަސްވެރިންގެ ދުވަހުގެ ހެޔޮއެދުމާއި ތަޙްނިޔާ އެންމެހާ މަސްވެރިންނަށާއި މަސްވެރި އާއިލާތަކަށް އަރިސްކުރަމުން ކުރި ޓްވީޓެއްގައެވެ.

ދިވެހީންގެ އިޤްތިޞާދުގެ އެއް ލޭނާރު ކަމުގައިވާ މަސްވެރިކަމުގެ ސިނާޢަތު ދިރުވައި އާލާކުރުމަށް ސަރުކާރާއި، މަސްވެރިކަމުގެ ސިނާޢަތް ބަލަހައްޓަވާ ވަޒީރާއި، ރައްޔިތުންގެ މަޖިލީހުގެ އެންމެހާ މެމްބަރުންނާއި، ޤައުމުގެ އެންމެހާ ސިޔާސީ އިސް ވެރީން މިއަދު ޢަޒުމު ކަނޑައަޅަންޖެހޭކަމަށް ޤާސިމް ވިދާޅުވިއެވެ.

Advertisement

މީގެއިތުރުންވެސް ޤާސިމް ވަނީ ދިވެހީންގެ ފުދުންތެރިކަން އިތުރުކޮށް އިޤްތިޞާދު ހަރުދަނާކޮށް ދެމެހެއްްޓުމަށްޓަކައި، ، މަސްވެރިކަމުގެ ސިނާާޢަތަށް ދިމާވެފައިވާ ހަޤީޤީ މައްސަލަތަކަށް އަވަސް ހައްލެއް ހޯދުމަށް ޤައުމީ ވިސްނުމެެއްގައި މަސައްކަތް ފަށާ އެކަން ތަންފީޒު ކުރުން އަވަސް ކުރުން އަވަސް ކުރުމަށް ގޮވާލައްވާފައެވެ.

ޤާސިމް ދާދި ފަހުން ވަނީ ރައީސުލްޖުމްހޫރިއްޔާ ޑރ މުހައްމަދު މުއިއްޒު ރިޔާސީ ކެމްޕޭނުގެ ދުވަސްވަރުގައި ވެސް ވެވަޑައިގެންނެވި ވައުދެއްގެ އިތުރުން އެމަނިކުފާނުގެ 14 ހަފްތާ މަގުޗާޓުގައި ވެސް ހިމަނުއްވާފައިވާ މުހިންމު ކަމެއް ކަމުގައިވާ ދިވެހި ރާއްޖޭގެ ކަނޑުން ގެއްލިފައިވާ ބައި ހޯދުމުގެ މަސައްކަތް ވީ އެންމެ އަވަހަކަށް ފެއްޓެވުމަށްވެސް ރައީސް ޑރ.މުއިއްޒަށް ދަންނަވާފައެވެ.