ކުރީގެ ރައީސް އަބްދުﷲ ޔާމީން އަބްދުލްޤައްޔޫމް އެމަނިކުފާނު އިސްވެ ހުންނަވައިގެން އުފައްދަވާ ޕީޕަލްސް ނޭޝަނަލް ފްރޮންޓް (ޕީއެންއެފް) އަށް ސޮއިކުރައްވައިފިއެވެ.
އެމަނިކުފާނު ޕާޓީއަށް ސޮއިކުރެއްވީ މިރޭ ޕީއެންއެފް އޮފީހުގައި ކުރިއަށް ދިޔަ އެ ޕާޓީގެ ހާއްސަ ހަރަކާތުގެ ތެރެއިންނެވެ.
ޕާޓީއަށް ސޮއި ކުރެއްވި ފޯމް ހަވާލު ކުރައްވާފައިވަނީ ޕީއެންއެފް އުފެއްދެވުމުގައި އިސްކޮށް ހަރަކާތްތެރިވާ މުހައްމަދު މަލީހް ޖަމާލް އާއި އެވެ.
ރައީސް ޔާމީން ގެ ދަރިކަލުން ޒޭން ގެ ނަމުގައި ޕީއެންއެފް އުފެއްދުމަށް އިލެކްޝަންސް ކޮމިޝަނުން ހުއްދަ ދީފައި ވަނީ 29 ނޮވެމްބަރު 2023 ގަ އެވެ.
ޕީއެންއެފް އުފައްދާފައިވަނީ ޕީޕީއެމް/ ޕީއެންސީގެ ލީޑަރޝިޕްގެ ބައެއް ބޭފުޅުން ރައީސް ޔާމީން އާއި ދުރަށް ޖެހިވަޑައިގެން، ކަންކަމުގައި އެމަނިކުފާނުގެ މަޝްވަރާ ނުހޯއްދަވައި ނިންމެވުންތައް ނިންމަވަމުންދާ ކަމަށް އެމަނިކުފާނަށް ދެކެވޭތީ ކަމަށް ރައީސް ޔާމީން ވަނީ މީގެ ކުރިން ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
