ކިތަންމެ ކުޑަކަމެއްގައި ދަތިވިޔަސް އެކަމެއްގެ ވާހަކަ ދެންނެވުމަށާއި ސްޓެލްކޯއިން އަބަދުވެސް ތިބޭނީ ރައްޔިތުންގެ ޚިދުމަތުގައި ކަމުގައި އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެެއްޖެއެވެ.
ޓީވީއެމްގެ ރާއްޖެ މިއަދު ޕްރޮގްރާމްގައި ވާހަކަދައްކަމުން ފަހުމީ ވިދާޅުވީ، ސްޓޭލްކޯއިން އަބަދުވެސް ތިބޭނީ ރައްޔިތުންގެ ޚިދުމަތުގައި ކަމަށާއި އެ ބޭފުޅުންނަކީ ރައްޔިތުންގެ ޚާދިމުން ކަމުގައެވެ.
ރައްޔިތުންނަށް އަޅުގަނޑު ދަންނަވާލަން ބޭނުންވަނީ ތިބޭފުޅުންނަށް ދަތިވާ ކިތަންމެ ކުޑަކަމެއް އޮތަސް އަޅުގަނޑުމެންނަށް އަންގާލަދެއްވާށޭ، އަޅުގަނޑުމެން ތިބޭނީ ހިދުމަތުގައޭ އަޅުގަނޑުމެންނަކީ ހާދިމުން
ހުސައިން ފަހުމީ
މީގެ އިތުރުން ފަހުމީ ވިދާޅުވީ، އެ ކުންފުނިން ދެމުން ގެންދާ ޚިދުމަތްތައް ރަނގަޅުކޮށް ވަސީލަތްތަކުގެ ބޭނުން އެންމެ ފުރިހަމައަށް ހެޔޮ ގޮތުގައި ބޭނުން ކުރުމަށް މަސައްކަތް ކުރައްވާނެ ކަމުގައެވެ.
އަދި މީގެ އިތުރުން އެ ކުންފުނީގެ މުވައްޒަފުންނަށް މަސައްކަތުގެ ތެރެއަށް ސިޔާސީ ނުފޫޒާއި ބާރުތައް ވައްދައި އެއްވެސް މުވައްޒަފަކު ވަޒީފާއިން ވަކި ކުރުމުގެ ވިސްނުން ނުގެންގުޅުއްވާނެ ކަމުގެ ޔަގީންކަން އަރުވަމުން ފަހުމީ ވަނީ އެ ކުންފުންޏަކީ ކޮރަޕްޝަނުން އެއްކިބާވެ ނަޒާހަތްތެރި ކުންފުންޏެއްގެ ގޮތުގައި މަސައްކަތް ކުރާ ކުންފުންޏަކަށް ހަދާނެ ކަމުގެ ޔަޤީންކަން އަރުވައިފައެވެ.
ރައީސުލްކުމްހޫރިއްޔާ ޑރ މުހައްމަދު މުއިއްޒު، ސްޓެލްކޯގެ އެމްޑީއަކަށް ހުސައިން ފަހުމީ އައްޔަނު ކުރެއްވިތާ 48 ގަޑި އިރު ނުވަނީސް އެ ބޭފުޅާ ވަނީ މަސައްކަތަށް ނިކުންނަވާ ސްޓެލްކޯގެ ބެލުމުގެ ދަށުން ކުރިއަށްދާ މަސައްކަތްތަކާއި ސަރަހައްދުތައް ބައްލަވައިލައްވައިފައެވެ.
Advertisement
This content is created and paid for by advertisers and does not involve Voice Journalists
