ކުރީގެެ ސިއްޚީ އެހީތެރިން މަސައްކަތަށް އަލުން ނެރުމަށް ދިރާސާއެެއް ކުރުމަށް ނިންމައިފައިވާ ކަމަށް ހެލްތް މިނިސްޓްރީ އިން ބުނެފިއެވެ.

މިކަމާއި ގުޅިގެން އެމިނިސްޓްރީން ކުރި އިއުލާނެއްގައި ބުނެފައިވަނީ އެ ދިރާސާ ހަދަނީ ޚިދުމަތުން ދުރުވެފައިވާ މީހުން އަލުން ޚިދުމަތްކުރުމުގެ މަގު ތަނަވަސްކޮށްދިނުމަށް ކަމަށެވެ. ކުރީގެ ސަރުކާރުތަކުގެ ޤާނޫނަށް ގެނައި ބަދަލުތަކާ ހެދި ވެސް ސިއްޚީ ޚިދުމަތްތެރިންގެ ތެރެއިން ބައެއް މީހުން ދާއިރާ ދޫކޮށްލަން ޖެހުނެވެ.

އެ ދިރާސާގައި ބައިވެރިވާން ޝައުގުވެރިވާ ފަރާތްތަކުން މި މަހުގެ 19 ވަނަ ދުވަހު ކުރިން ފޯމެއް ފުރިހަމަ ކުރަން ހެލްތު މިނިސްޓްރީން އެދިފައި ވެ އެވެ. އިތުރު މައުލޫމާތު ހޯދަން 3014407 ނުވަތަ 3014419 ނަމްބަރަށް ގުޅަން ވަނީ އެދިފަ އެވެ.

Advertisement

ކުރިން ސިއްޚި ދާއިރާއަށް މަސައްކަތް ކުރި މީހުން އަލުން ޚިދުމަތަށް ނެރުމަށް ދިރާސާއެއް ހަދާއިރު، މިދިޔަ ސަރުކާރުގައި ވަނީ މީގެ ކުރިން ރަށްރަށުގެ ސިއްޚީ ކަންކަމުގައި ޕްރައިމަރީ ހެލްތް ކެއާ ނުވަތަ ހެލްތު ވޯކަރުން އިސް ސަފުގައި މަސައްކަތްކުރި ގޮތަށް އެކަން ބަދަލުކުރަން ނިންމައި އެ މަސައްކަތް ފަށައިފަ އެވެ.