ރައީސް އިބްރާހިމް މުޙައްމަދު ޞާލިޙްގެ ސަރުކާރުގެ ފަހު އަހަރުގައި ގޭންގް މާރާމާރީތަކުގައްޔާއި ސީރިއަސް ވަޔަލެންޓް ކްރައިމްސް ކުށްތަކުގައި ހިމެނޭ ހިމެނޭ ގިނަ ބަޔަކު ޖަލުން ދޫކޮށްލާފައިވާކަމަށް ހޯމް މިނިސްޓްރީން ހާމަކުރި މައުލޫމާތުތަކުން ދައްކައިފިއެވެ.

ހޯމް މިނިސްޓްރީން ވަނީ މި އަހަރުގެ ޖެނުއަރީ މަހުގެ ފުރަތަމަ ދުވަހުން ފެށިގެން ނޮވެމްބަރު 30 ވަނަ ދުވަހުގެ ނިޔަލަށް ކްލެމެންސީއާއި ޕެރޯލްގެ ދަށުން ދޫކޮށްލި މީހުންގެ އަދަދުތައް ހާމަކޮށްފައެވެ.

މި އަދަދު ތަކުން ދައްކާގޮތުގައި މިއަހަރުތެރޭގައި ޖުމްލަ 434 ކުށްވެރިން ދޫކޮށްލާފައިވާއިރު އޭގެތެރޭގައި ސީރިއަސް ވަޔަލެންޓް ކްރައިމްސް ކުށްތަކުގައި ހިމެނޭ 19 މީހުން ހިމެނެއެވެ.

ބިރުދެއްކުން - 1 މީހަކު

ތޫނު ހަތިޔާރު ގެންގުޅުން - 1 މީހަކު

ތޫނު އެއްޗަކުން ހަމަލާދިނުން - 1 މީހަކު

މާރާމާރީ - 10 މީހަކު

މޭންސްލޯޓަރ - 1 މީހަކު

އެހެން މީހެއްގެ ނަފުސަށް ގެއްލުން ދިނުން - 2 މީހަކު

ޓެެރަރިޒަމް - 3 މީހަކު

ބިރުދެއްކުން - 1 މީހަކު

މީހަކު މެރުން - 2 މީހަކު

މާރާމާރީ - 1 މީހަކު

މީހަކަށް އަނިޔާއެއް ދިނުން - 1 މީހަކު

ޓެރަރިޒަމް - 3 މީހަކު

މީގެ އިތުރުންވެސް  ވައްކަން ކުރުމުގެ ކުށުގައި ހިމެނޭ 16 މީހުން ކުރީ ސަރުކާރުން ދޫކޮށްލާފައިވާއިރު 11 މީހަކު ގޭ ބަންދަށް ވަނީ ބަދަލު ކޮށްފައެވެ.

މިފަހަކަށް އައިސް މާލެއާއި ރާއްޖޭގެ އެކިހިސާބުތަކުގައި ކުށްކުރުމާއި ގޭންގް މާރާމާރީތައް ވަނީ އިތުރުވެފައެވެ. އެކަމާއިގުޅިގެން ފުލުހުން ވަނީ މުޖުތަމައުތެރޭ ފުލުހުން ހަރަކާތްތެރިވާ އަދަދު ކުރިއަށްވުރެ އިތުރުކޮށް ހާއްސަ އޮޕަރޭޝަންތަކެއްވެސް ހިންގާފައެވެ.