ގްރޭޑް 10ގެ އިމްތިޙާނުގައި މަޖުބޫރު މާއްދާތަކަށް ސަރުކާރުން ފައިސާ ދައްކައިދިނުމަށް ނިންމައިފިއެވެ.

އެޑިޔުކޭޝަން މިނިސްޓްރީގެ ސާކިޔުލާއެއްގައި ބުނެފައިވަނީ ގުރޭޑް 10 ގެ ދަރިވަރުން ހަތަރު މާއްދާއެއްގައި ި ބައިވެރިވުން މަޖުބޫރު ކަމަށާއި އަދި މާއްދާދާތަކަށް ސަރުކާރުން ފައިސާ ދައްކައިދޭ ގޮތަށް ނިންމައިފި ކަމަށެވެ.

އެޑިއުކޭޝަން މިނިސްޓްރީގެ ސާކިއުލާގައި ބުނެފައިވަނީ މަޖުބޫރު ހަތަރު މާއްދާގެ ގޮތުގައި ކަނޑައަޅާފައިވާ ދިވެއްސާއި އިސްލާމާއި ހިސާބުގެ އިތުރުން އިނގިރޭސި މާއްދާގައި ގުރޭޑް 10 ނިންމާ ހުރިހާ ދަރިވަރުން ބައިވެރިވުން މަޖުބޫރު ކަމަށެވެ.

Advertisement

އަދި އެ މާއްދާތަކަށް ފައިސާ ދައްކާނީ ސަރުކާރުން ކަމަށް ވެސް އެ ސާކިއުލާގައި ބުނެފައި ވެއެވެ.

މީގެ ކުރިން އޯލެވަލް އިމްތިޙާނުގައި ބައިވެރިވާ މާއްދާތަަކަށް ފީ ދެއްކުން ހަމަޖެހިފައި އޮންނަނީ މަޖުބޫރު މާއްދާތަކުން ފާސް ނުވެއްޖެ ނަމަ އޯލެވެލް އިމްތިޙާނުގައި ބައިވެރިވުމަށް އަމިއްލައަށް ފައިސާ ދައްކަން ޖެހޭ ގޮތަށެވެ.

މިބަދަލާއި އެކު މަޖުބޫރު ހަތަރު މާއްދާއަށް ފީ ދައްކާނީސަރުކާރުގެ ފަރާތުންނެވެ.