ޕްރޮސެކިއުޓާ ޖެނަރަލް (ޕީޖީ) އޮފީހުގެ ޕަބްލިކް ޕްރޮސެކިއުޓާ އަހުމަދު ޝަފީއު އެއްޖިންސުން ގުޅުން ހިންގި ކަމަށް ތުހުމަތުކުރާ މައްސަލައެއް ފުލުހުން ތަހުގީގު ކުރަން ފަށައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ޕީޖީ އޮފީހުގެ ވަކީލަކު އެއްޖިންސުން ގުޅުން ހިންގި ކަމަށް ތުހުމަތުކޮށް، ސޯޝަލް މީޑިއާގައި ދައުރުވަމުންދާ މައުލޫމާތު ފުލުހުންގެ ސަމާލުކަމަށް އައިސްފައިވާތީ އެކަމާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށެވެ.
މީގެ ކުރިން ވެސް ހަމަ މިފަދަ ތުހުމަތުތަކެއް ޝަފީއުގެ މައްޗަށް ވަނީ ކޮށްފައެވެ. އެގޮތުން އޭނާ ފެންނަ ކަމަށް ބުނާ ވީޑިއޯތަކެއް ދައުރުވެފައިވެއެވެ. އަދި އެ މައްސަލައާ ގުޅޭގޮތުން ޕީޖީ އޮފީހުން މީޑީއާތަކަށް ޖަވާބުދާރީވެފައެއް ވެސް ނުވެއެވެ.
ޕީއެސްއެމްގެ ކުރީގެ ޕްރެޒެންޓަރު ޝަފީއުއަކީ ބޮޑެތި މައްސަލަތަކުގައި ދައުލަތުގެ ފަރާތުން ވަކާލާތު ކުރައްވާ ވަކީލެކެވެ. ކުރީގެ ރައީސް އަބްދުﷲ ޔާމީންގެ މައްސަލާގައި ވެސް ދައުލަތުގެ ވަކީލުންގެ ޓީމުގައި އޭނާ އަކީ އިސްކޮށް ހަރަކާތްތެރިވެވަޑައިގަންނަވާ ވަކީލެކެވެ. މީގެ އިތުރުން ވެސް އޭނާއަކީ ޕީޖީ އޮފީހުގެ ތަރުޖަމާނުކަމުގެ މަގާމުގައި ވެސް ހުންނަވާ ބޭފުޅާއެވެ.
Advertisement
This content is created and paid for by advertisers and does not involve Voice Journalists
