ކުލަބު ޖީއެސްގެ ފަރާތުން އިންތިޒާމްކޮށްގެން ހއ.ހޯރަފުށީ މިހާރު ކުރިއަށްދާ "2 ވަނަ ޖީއެސް ވޮލީބޯޅަ ޓޯނަމަންޓް" ގެ ކުޅުން މިރޭ ފެށިއިރު،  މުބާރާތުގެ ފުރަތަަމަ މެޗުގައި ކެލާ ކައުންސިލްގެ ޓީމާއި ޓީމް ޕާމް ވާދަކުރި މެޗު ތިން ސެޓް އެއް ސެޓުން ކާމިޔާބުކުރީ ޓީމް ޕާމް އެވެ.

ކުލަގަދަ ރަސްމިއްޔާތަކާއެކު ޖީއެސް ވޮލީބޯޅަ ޓޯނަމަންޓް މިރޭ ރަސްމީކޮށް ފެށިއިރު، މިރަސްމިއްޔާތް ޝަރަފްވެރި ކޮށްދެއްވީ ހޯރަފުށީ ކައުންސިލްގެ ރައީސް މުހަންމަދު ވަހީދު އެވެ. 

ޖީއެސް ވޮލީބޯޅަ ޓޯނަމަންޓް ފެއްޓުމުގެ ރަސްމިއްޔާތު ތެރެއިިން 

މިރޭ ކުޅެވުނު ފުރަތަަމަ މެޗުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު، މިމެޗުގެ ފުރަތަަމަ ސެޓް ވާދަވެރި ކުޅުމަކަށްފަހު 26-24 އިން ކާމިޔާބުކުރީ ކެލާ ކައުންސިލްގެ ޓީމެވެ. ނަމަވެސް ޖެހިގެންއައި ސެޓް ފަސޭހަކަމާއި އެކު 18-25 އިން ކާމިޔާބުކުރީ ޓީމް ޕާމް އެވެ. އަދި މެޗުގެ ތިންވަނަ ސެޓާއި ހަތަރުވަނަ ސެޓުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ އިރު މި ދެ ސެޓު ވެސް ޓީމް ޕާމް އިން ކާމިޔާބުކުރީ 25-21 އިންނެވެ.

ޖީއެސް ވޮލީބޯޅަ ޓޯނަމަންޓް ފެއްޓުމުގެ ރަސްމިއްޔާތު ތެރެއިިން 

މިއާއެކު މެޗުގެ ކުޅުން ނިމިގެންދިޔައީ 3 ސެޓް 1 ސެޓުން ޓިމް ޕާމް ކުރީގައި އޮވެގެންނެވެ. އަދި މިމެޗުގެ މޭން އޮފް ދަ މެޗަކަށް ހޮވުނީ ޓީމް ޕާމްގެ ލަޝިންދު މެތުމަލް އެވެ.

ޖީއެސް ވޮލީބޯޅަ ޓޯނަމަންޓް ފެއްޓުމުގެ ރަސްމިއްޔާތު ތެރެއިިން 

މި މުބާރާތަކީ ހޯރަފުށީގައި ވޮލީބޯޅަ ދިރުވައި އާލާކުރުމުގެ އިތުރުން ރަށުގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ މަގުސަދުގައި 2021 ވަނަ އަހަރު ހއ.ހޯރަފުށީގައި ހަރަކާތެރިވާ ކުލަބު ޖަމިއްޔާތަކާއި ސަރުކާރުގެ އޮފީސްތަކާއި، ސަރުކާރު ހިއްސާވާ ކުންފުނިތަކުގެ އިތުރުން އަމިއްލަ ކުންފުނިތަކާއި އަމިއްލަ ވިޔަފާރިތަކަށް ބައިވެރިވުމުގެ ފުރުސަތު ހުޅުވާލައިގެން ކުލަބު ޖީއެސް އިން ބާއްވަން ފެށި މުބާރާތެކެވެ.

ޗެންޕިއަން ޓީމަށް 25000 ރުފިޔާ އަދި ރަނަރަޕް ޓީމަށް 10000 ރުފިޔާގެ ފައިސާގެ އިނާމެއް ހުށަހަޅާފައިވާ މިމުބާރާތުގައި މިއަހަރު ހަތަރު ޓީމު ބައިވެރިވެފައިވާއިރު، މި މުބާރާތް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި ހަތަރު ޓީމުގެ މެދުގައި ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއް މެޗު ކުޅެ އެންމެ ގިނަ ޕޮއިންޓް ހޯދާ ދެޓީމު ފައިނަލަށް ހޮވޭގޮތަށެވެ.

މުބާރާތުގެ ޓައިޓަލް ސްޕޮންސަރ އަކީ ސޭލްސްކޯ ހާޑްވެއާ އެވެ. އަދި އޮފިޝަލް ކިޓް ސްޕޮންސަރަކަށް އެލިޓެޒް ޖާޒީ އެވެ. މީގެއިތުރުން މުބާރާތުގެ މީޑިޔާ ޕާޓްނަރަކަށް ހަމަޖައްސާފައި ވަނީ ވޮއިސް އެވެ.