ވަޒީފާއިން ވަކިކުރި ފުލުހުން ވަޒީފާއިން ވަކިކުރި މައްސަލަ އަލުން މުރާޖަޢާ ކުރަން ނުޖެހޭ ކަމަށް ހައިކޯޓުން ބުނެފިއެވެ.
މިމައްސަލައަކީ ވަޒީފާގައި ތިބި ފުލުހުންގެ 5 މީހަކު ވަޒީފާއިން ވަކިކުރުމަށް ޕޮލިސް ބޯޑުން ނިންމުމުން އެމައްސަލަ ވަނީ ސިވިލް ކޯޓަށް ހުށައެޅި މައްސަލައެކެވެ. ސިވިލް ކޯޓުން މިމައްސަލަގައި ބުނެފައިވަނީ ވަޒީފާއިން ވަކިކުރި ފުލުހުން ވަޒީފާއިން ވަކިކުރި ނޯޓީސް ބާތިލް ކަމަށެވެ.
ސިވިލް ކޯޓުގެ މިނިންމުން އެޓާނީ ޖެނެރަލްގެ އޮފީހުން ވަނީ ހައިކޯޓުގައި އިސްތިއުނާފް ކޮށްފައެވެ.
މިމައްސަލަ ސިވިލް ކޯޓުގައި އިސްތިިއުނާފު ކުުރުމުން އެކޯޓުން އަމުރު ނެރެފައިވަނީ ހައިކޯޓުގެ އަމަުރު ތަންފީޒުކުރުން ލަސްކުރުމަށް އަމުރެއް ނެެރެފައެވެ.
ހައިކޯޓުގައި އެކޯޓުގެ އަމަުރު މުރާޖަޢާ ކޮށްދިނުމަށް މައްސަލަ ހުށައެޅު ފަރާތުން އެދުމުން ހައިކޯޓުން ނިންމައިފައިވަނީ އެމައްސަލަ އަލުން މުރާޖަޢާ ކުރަން ޖެހޭ އެއްވެސް ސަބަބެއް ޝަރީޢަތުގެ މަޖިލީހަށް ފެންނަން ނެތް ކަމަށެވެ.
މިމައްސަލަ ހައިކޯޓަށް ހުށައަޅައިފައިވަނީ ނޮވެމްބަރު މަހުގެ 15 ވަނަ ދުވަހުއެވެ. މިމައްސަލަގައި ހައިކޯޓުން ގޮތް ނިންމީ އިއްޔެއެވެ.
މިމައްސަލަ ބައްލަވައިފައިވަނީ އިސްފަނޑިޔާރު ހުސެއިން ޝަހީދާއި، ފަނޑިޔާރު ޙަސަން ޝަފީޢާއި ފަނޑިޔާރު މުޙައްމަދު ސަލީމެވެ.
Advertisement
This content is created and paid for by advertisers and does not involve Voice Journalists
