2024 ވަނަ އަހަރުގެ ދައުލަތުގެ ބަޖެޓް ފާސްކުރި ދުވަހާ ހަމަޔަށް ދިހަހާސް މެންބަރުން ހަމަވާ ސިޔާސީ ޕާޓީތައް އިލެކްޝަންސް ކޮމިޝަން، އީސީއިން ޢިއުލާންކޮށްފިއެވެ. 

މިކަމާއި ގުޅިގެން އީސީގެ ނާއިބު ރައީސް އިސްމާއީލް ހަބީބު ކުރެއްވި ޓްވީޓެއްގައި ވިދާޅުވީ، 2024 ވަނައަ ހަރުގެ ދައުލަތުގެ ބަޖެޓް ފާސްކުރި ދުވަހާ ހަމަޔަށް ދިހަހާސް މެންބަރުން ހަމަވަނީ 6 ސިޔާސީ ޕާޓީއެއްގައި ކަމަށެވެ. 

އެއީ؛  

1) އެމްޑީޕީ

2) ޕީޕީއެމް

3) ޖުމްހޫރީ ޕާޓީ

4) ޢަދާލަތު ޕާޓީ

5) އެމްޑީއޭ

6) ޕީއެންސީ

ހަބީބު ވިދާޅުވީ އިއްޔެގެ ނިޔަލަށް އެ 6 ޕާޓީންވެސް 10,000 މެންބަރުން ހަމަ ކޮށްފައިވާ ކަމަށެވެ. 

ސިޔާސީ ޕާޓީތަކުގެ ޤާނޫނުގައިވާ ގޮތުން ދައުލަތުގެ ބަޖެޓުގެ 0.01 އިންސައްތަ ފައިސާ ސިޔާސީ ޕާޓީތަކަށް ދޫކުރަން ޖެހެއެވެ. މިއަދަދަށް ފައިސާ ދޫކުރަނީ ސިޔާސީ ޕާޓީތަކުގެ ތެރެއިން 10،000 މެމްބަރުން ހަމަވާ ޕާޓީތަކަށެވެ.

މި އަހަރު ވެސް ޖުމުލަ 36.9 މިލިއަން ރުފިޔާ ސިޔާސީ ޕާޓީތަކަށް ވަނީ ދޫކޮށްފައެވެ. އެއީ:

އެމްޑީޕީ: 14،212،790.92 ރުފިޔާ

ޕީޕީއެމް: 9،544،204.46 ރުފިޔާ

ޖޭޕީ: 5،680،521.16 ރުފިޔާ

އެމްޑީއޭ: 2،591،106.24 ރުފިޔާ

އެމްއެންޕީ: 2،434،979.29 ރުފިޔާ

އަދާލަތު ޕާޓީ: 2،412،485.93 ރުފިޔާ

މިވަގުތު އީސީގެ ދަފްތަރުގައި ޖުމުލަ 9 ޕާޓީ ރެޖިސްޓަރކުރެވިފައި ވެއެވެ. އެގޮތުން، އެތަނުން 10,000 މެންބަރުން ހަމަނުވަނީ، ކުރީގެ ނައިބު ރައީސް އަހުމަދު އަދީބުގެ އެމްޓީޑީއާއި ދަ ޑިމޮކްރެޓްސް އާއި ދަނގެތީ ދާއިރާގެ މެންބަރު މުހައްމަދު ނާޒިމްގެ އެމްއެންޕީއެވެ.