ކުލަބު ޖީއެސްގެ ފަރާތުން އިންތިޒާމްކޮށްގެން ހއ.ހޯރަފުށީގައި މިހާރު ކުރިއަށްދާ "2 ވަނަ ޖީއެސް ވޮލީބޯޅަ ޓޯނަމަންޓް" ގައި މިރޭ ޓީއޯ ސްޕޯޓްސް ކުލަބާއި ޓީމު ޕާމް ވާދަކުރި މެޗު ފަސޭހަކަމާ އެކު ސީދާ ތިން ސެޓުން، ޓީމު ޕާމް އިން ކާމިޔާބުކޮށްފިއެވެ.

ޓީމު ޕާމް އިން މުބާރާތުގައި ކުޅުނު ފުރަތަަމަ މެޗުގައި ތިން ސެޓު އެއް ސެޓުން ކެލާ ކައުންސިލްގެ ޓީމު އަތުން މޮޅުވެފައިވާއިރު، މިރޭގެ މެޗުގައި އެޓީމުގެ ފަރާތުން ވަނީ ތަފާތު މޮޅު ކުޅުމެއް ފެނިގެން ގޮސްފައެވެ.

ޓީއޯ ސްޕޯޓްސް ކުލަބާއި ޓީމު ޕާމް ވާދަކުރި މެޗުގެ ތެރެއިިން

އެގޮތުން މެޗުގެ ފުރަތަަމަ ސެޓް 18-25 އިން އެޓީމު ކާމިޔާބުކުރިއިރު ދެވަނަ ސެޓް އެޓީމުން ކާމިޔާބުކުރީ ވަރަށް ފަސޭހަކަމާ އެކު 10-25 އިންނެވެ. އަދި މެޗުގެ ތިންވަނަ ސެޓް އެޓީމުން ކާމިޔާބުކުރީ 25-17 އިންނެވެ. އަދި މިމެޗުގެ މޮޅު ކުޅުންތެރިޔަކަށް ހޮވުނީ ޓީމް ޕާމްގެ މުހައްމަދު އަލީ އެވެ.

ޓީއޯ ސްޕޯޓްސް ކުލަބާއި ޓީމު ޕާމް ވާދަކުރި މެޗުގެ ތެރެއިިން

މި މުބާރާތަކީ ހޯރަފުށީގައި ވޮލީބޯޅަ ދިރުވައި އާލާކުރުމުގެ އިތުރުން ރަށުގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކުރުމުގެ މަގުސަދުގައި 2021 ވަނަ އަހަރު ހއ.ހޯރަފުށީގައި ހަރަކާތެރިވާ ކުލަބު ޖަމިއްޔާތަކާއި ސަރުކާރުގެ އޮފީސްތަކާއި، ސަރުކާރު ހިއްސާވާ ކުންފުނިތަކުގެ އިތުރުން އަމިއްލަ ކުންފުނިތަކާއި އަމިއްލަ ވިޔަފާރިތަކަށް ބައިވެރިވުމުގެ ފުރުސަތު ހުޅުވާލައިގެން ކުލަބު ޖީއެސް އިން ބާއްވަން ފެށި މުބާރާތެކެވެ.

ޓީއޯ ސްޕޯޓްސް ކުލަބާއި ޓީމު ޕާމް ވާދަކުރި މެޗުގެ ތެރެއިިން

ޗެންޕިއަން ޓީމަށް 25000 ރުފިޔާ އަދި ރަނައަޕް ޓީމަށް 10000 ރުފިޔާގެ ފައިސާގެ އިނާމެއް ހުށަހަޅާފައިވާ މިމުބާރާތުގައި މިއަހަރު ހަތަރު ޓީމު ބައިވެރިވެފައިވާއިރު، މި މުބާރާތް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި ހަތަރު ޓީމުގެ މެދުގައި ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއް މެޗު ކުޅެ އެންމެ ގިނަ ޕޮއިންޓް ހޯދާ ދެޓީމު ފައިނަލަށް ހޮވޭގޮތަށެވެ.