ކުރީ ސަރުކާރުން ރާއްޖެ އަންނަ ކްރޫޒް ލައިނާތަކާ ގުޅިގެން ހެދި ޤަވާއިދު ބަދަލުކުރުމުގެ މަސައްކަތް ކުރައްވަމުންގެންދަވާކަމަށް ޓުއަރިޒަމް މިނިސްޓަރު އިބްރާހީމް ފައިސަލް ވިދާޅުވެއްޖެއެވެ.
މިނިސްޓަރު މިހެން ވިދާޅުވީ މިއަދު އެކްސްގައި ކުރެއްވި ޕޯސްޓެއްގައެވެ.
ފައިސަލް ވިދާޅުވީ މި ޤަވާއިދު އިސްލާހުކުރުމުން މިހާރު ކުރިމަތިވެފައިވާ ދަތިތަކަށް ހައްލު ލިބިގެންދާނެކަން ޔަޤީންކުރައްވާކަމަށެވެ.
މިނިސްޓަރު ފައިސަލް މިހެން ވިދާޅުވެފަައިމިވަނީ މިއަހަރުގެ ފަތުުރުވެރިކަމުގެ ސީޒަނާއި ދިމާކޮށް ރާއްޖެ އައުމަށް ހަމަޖެހިފައިހުރި ބައެއް ކްރޫޒް ލައިނާތަކުގެ ދަތުރުތައް ކެންސަލް ކުރަން ނިންމުމާއި ގުޅިގެން މޯލްޑިވްސް އެސޯސިއޭޝަން ފޯ ޔޮޓް އެޖެންސީ އިން ސޯޝަލް މީޑިއާގައި ކަންބޮޑުވުން ފާޅުކޮށްފައިވަނިކޮށެވެ.
ނިމިދިޔަ ސަރުކާރުން ޤަވާއިދަށް ގެނައި ބަދަލުގެ ސަބަބުން ކްރޫޒްޝިޕްތަކުގެ ވަކިވަކި ފަސިންޖަރުން ހޭދަކުރާ ކޮޓަރިތަކުން ޖީއެސްޓީ ނަގާ ގޮތަށް ވަނީ ބަދަލުވެފައެވެ.
Advertisement
This content is created and paid for by advertisers and does not involve Voice Journalists
