ދޮންބަންޑާރައިންގެ މަސައްކަތުގެ ޒިކުރާ އައުކޮށް އެކަމުން ޢިބްރަތް ލިބިގަންނަންޖެހޭ ކަމަށް ކުރީގެ ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސް ޞާލިޙް މިހެން ވިދާޅުވީ މިއަދު ފާހަގަ ކުރެވެމުންދާ ހުރަވީ ދުވަހުގެ މުނާސަބަތުގައި ދިވެހި ރައްޔިތުންނަށް ތަހުނިޔާ ދަންނަވައި ކުރެއްވެވި ޓްވީޓެއްގައެވެ.
"ޤައުމާއި ރައްޔިތުންގެ ޙައްޤުގައި ދޮން ބަނޑާރައިން ކޮށްދެއްވި މަތިވެރި މަސައްކަތުގެ ޒިކުރާ އައުކޮށް އެކަމުން އިބްރަތް ލިބިގަތުމަކީ އަޅުގަނޑުމެން ކޮންމެ ދިވެއްސެއްގެ މައްޗަށް އޮތް ވާޖިބެއް" ރައީސް ޞާލިޙް ވިދާޅުވެފައިވެއެވެ.
މިއަދު ފާހަގަ ކުރެވެމުންމިދާ ހުރަވީ ދުވަހުގެ މުނާސަބަތުގައި ދިވެހި ބަހާއި ސަޤާފަތާއި ތަރިކައާއި ބެހޭ މިނިސްޓްރީ އިން ވަނީ ބޮޑު ޖަލްސާއެއް ބާއްވައިވައިފައެވެ. މި ޖަލްސާގައި ރައީސް ޑރ މުޙައްމަދު މުއިއްޒުވެސް ބައިވެރިވެ ވަޑައިގެންނެވިއެވެ.
މިއީ ފަސް އަހަރަށްފަހު ހުރަވީ ދުވަސް މިހާ ކުލަގަދަ ކޮށް ފާހަގަ ކުރެވޭ ފުރަތަމަ ފަހަރެވެ.
Advertisement
This content is created and paid for by advertisers and does not involve Voice Journalists
