އިސްލާމިކް ސްޓޫޑިއޯއަކީ ޒަމާނީ ފެންވަރުގެ ސްޓޫޑިއޯއަކަށް ހެދުމުގެ މަސައްކަތް 2024 ޖެނުއަރީގައި ފެށުމަށް އިސްލާމީ ކަންތައްތަކާއި ބެހޭ ވުޒާރާއިން ނިންމަވައިފައިވާ ކަމަށް އެވުޒާރާގެ ވަޒީރު ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ވަޒީރު ޑރ ޝަހީމް މިހެން ވިދާޅުވީ އެމަނިކުފާނު ކުރެއްވެވި ޓްވީޓެއްގައެވެ.
ޑރ ޝަހީމް ވިދާޅުވީ ރައީސްގެ މެނިފެސްޓޯގައިވާ ގޮތުގެ މަތިން، ޒަމާނީ ޓެކްނޮލަޖީގެ ބޭނުންކޮށް އިސްލާމީ ހޭލުންތެރިކަން އިތުރުކުރުމަށްޓަކައި އިސްލާމިކް މިނިސްޓްރީގެ އިސްލާމިކް ސްޓޫޑިއޯއަކީ ޒަމާނީފެންވަރުގެ ސްޓޫޑިއޯއަކަށް ތަރައްޤީކޮށް ޖަނަވަނީ 2024 ގައި މަސައްކަތްފަށަން މިނިސްޓްރީން ނިންމައިފި ކަމަށެވެ.
ރައީސް ޑރ މުޙައްމަދު މުޢިއްޒުގެ މެނިފެސްޓޯ ގައި އިސްލާމްދީން ފެތުރުމަށް ހަރުދަނާ ރަނގަޅު ޒަމާނީ މަސައްކަތް ތަކެއް ކުރުމަށް ނިންމަވައިފައިވެއެވެ.
އެކަންތައް ތައް ތަންފީޒުކޮށް ފުރިހަމަ ކުރުމަށް އިސްލާމިކް މިނިސްޓްރީންދަނީ ގިނަ ކަންތައްތަކެއް ކުރަމުންނެވެ.
Advertisement
This content is created and paid for by advertisers and does not involve Voice Journalists
